?ചെറിയമ്മയുടെ സൂപ്പർഹീറോ 7?[Hyder Marakkar] [Climax] 2505

“ആരേ??”

“ദേവു…….”

“ഹഹാ……ഛ്………..”
ചിരിച്ചത് അല്ല…….. ഞാൻ പറഞ്ഞത് കേട്ട് ഞെട്ടിയ റോഷൻ ചുമച്ച ശബ്ദം ആയിരുന്നു അത്……

“ഡാ……. അഭി………..”
അവന് ഇപ്പോഴും ഞെട്ടൽ മാറിയിട്ടില്ല

“ആടാ…… എനിക്ക് ദേവൂനെ അത്ര ഇഷ്ട…….. ദേവൂന് എന്നെയും………”

“എന്റെ പൊന്നു മോനെ……. അഭി……. പെട്ടെന്ന് കേട്ടപ്പോൾ ഒന്ന് ഞെട്ടി……. പക്ഷെ ഒരു കാര്യം ഞാൻ പറയാ…… ദേവൂനെ കാട്ടും നല്ല ഒരു പെണ്ണിനെ നിനക്ക് ഈ ജന്മത്തിൽ വേറെ കിട്ടില്ല….. അത്ര സൂപ്പർ അലെ നമ്മുടെ ദേവു…… ദേവൂന് നിന്നോട് ഇങ്ങനെ ഒരു ഇഷ്ടം തോന്നിന്ന് പറഞ്ഞ അത് നിന്റെ ഭാഗ്യമാണ് ഡാ……… നീ ശരിക്കും ലക്കി ആണ്”

അവൻ അത് പറഞ്ഞപ്പോൾ എനിക്ക് ഭയങ്കര സന്തോഷം തോന്നി………

“ഡ…… അമ്മുന് അറിയോ??”

“ഇല്ല…. അവളോട്‌ ഞാൻ ഇന്ന് എല്ലാം പറയും”

“അമ്മു സമ്മതിക്കുമോ??”

“അവള് സമ്മതിക്കും….. എന്റെ അമ്മൂട്ടിനെ എനിക്ക് അറിയാം….”

“പക്ഷെ ഒന്നും കൂടെ ആലോചിച്ചിട്ട് അവളോട് പറഞ്ഞ മതി…… അമ്മുന് അംഗീകരിക്കാൻ കഴിഞ്ഞില്ലെങ്കിൽ അത് വല്യ പ്രശ്നം ആവും”

“വെറുതെ പേടിപ്പിക്കല്ലേ മൈരേ……. അമ്മുന് ഇഷ്ടം ആവുമെന്ന് തന്നെ ആണ് എനിക്ക് തോന്നുന്നത്”
പക്ഷെ അത് പറയുമ്പോഴും എന്റെ മനസ് പതറുന്നുണ്ടായിരുന്നു….. അമ്മൂന് ഇഷ്ടമായില്ലെങ്കിൽ…………………..

“അപ്പൊ എന്താ നിന്റെ പ്ലാൻ….”
റോഷന്റെ ഈ ചോദ്യമാണ് എന്നെ അമ്മുവിനോട് പറയാൻ പോവുന്ന കാര്യങ്ങൾ ചിന്തിക്കുന്നതിൽ നിന്ന് ഉണർത്തിയത്

എന്റെ മനസ്സിൽ ഞാൻ കണക്ക് കൂട്ടി വച്ച കാര്യങ്ങൾ ഞാൻ അവനോട് പറഞ്ഞു, മദ്യപിക്കാൻ മൂഡ് ഇല്ലെന്ന് പറഞ്ഞവൻ എല്ലാം കഴിഞ്ഞ് ഇറങ്ങുമ്പോൾ നാല് പെഗ് വിസ്കി അകത്താക്കിയിരുന്നു……..

തിരിച്ച് ഫ്ലാറ്റിൽ എത്തുമ്പോൾ അമ്മു എത്തിയിരുന്നു, ഞാൻ ജോസഫ് അങ്കിളിന്റെ ഫ്ലാറ്റിൽ നിന്ന് അവളെയും കൂട്ടിയിട്ടാണ് മുകളിലേക്ക് കയറിയത്, ഉള്ളിൽ ഭയം എന്ന വികാരം ജനിച്ചിരുന്നു

അമ്മു യൂണിഫോം മാറി ഫ്രഷ് ആവാൻ മുറിയിലേക്ക് പോയപ്പോൾ ഞാൻ സിറ്റിംഗ് റൂമിൽ ഇരുന്നു, എങ്ങനെ തുടങ്ങും എന്ത് പറയുമെന്ന് ഒരു ഐഡിയ കിട്ടുന്നില്ല, കയ്യും കാലും വിറയ്കുന്നത് പോലെ…..

“എന്താണ് ചേട്ടായി….. കണ്ണ് തുറന്നിരുന്ന് സ്വപ്‌നം കാണാണോ”

“ഏയ്……”
പെട്ടെന്ന് അമ്മുവിന്റെ ശബ്ദം കേട്ടതും ഞാൻ ഒന്ന് ഞെട്ടി പോയി

“ഹ്മ്മ്…… എന്താണ് മോനെ കാര്യം…. എന്താണെങ്കിലും അമ്മൂനോട് പറഞ്ഞോ”

“അമ്മു…….”