?ചെറിയമ്മയുടെ സൂപ്പർഹീറോ 7?[Hyder Marakkar] [Climax] 2505

“നീ ഇങ്ങനെ മലയാള സിനിമയിലെ ക്ലിഷേ പ്രസവ സീനുകളിൽ ഭർത്താവ് നടക്കുന്ന പോലെ ഈ ലേബർ റൂമിന്റെ മുനിൽ ഇങ്ങനെ തലങ്ങും വിലങ്ങും നടക്കാതെ ഇവിടെ വന്ന് ഇരിക്ക് അഭി”
റോഷൻ അത് പറഞ്ഞിട്ടും എനിക്ക് ഒരു സമാധാനവും ഉണ്ടായിരുന്നില്ല, കുറച്ചു റിസ്ക്ക് ആണെന്ന് ഡോക്ടർ പറഞ്ഞതിന് ശേഷം ഞാൻ ശരിക്കും ഉറങ്ങിയിട്ട് ഇല്ല എന്ന് തന്നെ പറയാം… . ഈശ്വരാ എന്റെ ദേവൂനെയും കുഞ്ഞിനേയും ഒരു കുഴപ്പവും ഇല്ലാതെ ഇങ്ങ് തന്നേക്കണേ……….
അമ്മു അവിടെ ചിത്രയുടെ മടിയിൽ തല വെച്ചു കിടപ്പാണ്……

അതെ…… റോഷൻ ചിത്രയെയും അടിച്ചോണ്ട് ഇങ്ങ് വന്നിട്ട് 4 മാസം ആവുന്നു, അവരുടെ പ്രണയം വീട്ടിൽ അറിഞ്ഞു മൊത്തം പ്രശ്നം ആയപ്പോൾ രണ്ടും കൂടി നൈസ് ആയി ഒരു ദിവസം ഇങ്ങോട്ട് മുങ്ങി…. ഇവിടെ വന്ന് രജിസ്റ്റർ മാര്യേജ് ചെയ്തു…….. ഇപ്പോ ഞങ്ങൾ താമസിക്കുന്ന ഫ്ലാറ്റിൽ തന്നെ ഞങ്ങളുടെ അയൽവാസിക്കൾ ആണ് രണ്ടും, റോഷൻ പണ്ട് പറഞ്ഞത് പോലെ അയൽവാസി ദരിദ്രവാസി…………….

“യാരു ദേവയാനിയോൻഡിഗേ ബന്ദാരു??”
ലേബർ റൂമിന് പുറത്തേക്ക് വന്ന് നേഴ്സ് അത് ചോദിച്ചപ്പോൾ ഞാൻ ഓടി ചെന്നു”

“നനഗേ….”
ഒരു വർഷം കൊണ്ട് അത്യാവശ്യം പിടിച്ചു നിൽക്കാനുള്ള കന്നഡ ഞാൻ പഠിച്ചിട്ടുണ്ട്

“നിവു??”

“പതി……”

“ഓ…..അഭിനന്ദനെഗലു……. ദേവയാനി ഗണ്ടു മഗുവിഗേ ജന്മ നിധിദാലു”

അത് കേട്ടപ്പോൾ എനിക്ക് തുള്ളി ചാടാൻ തോന്നി, അതെ എന്റെ ദേവു ഒരു ആൺ കുഞ്ഞിന് ജന്മം നൽകിയിരിക്കുന്നു…… അമ്മു ഓടി വന്നു……. ഞാൻ അവളെ എടുത്ത് പൊക്കി കറക്കി, സന്തോഷം കൊണ്ട് എനിക്ക് എന്ത് ചെയ്യണമെന്ന് അറിയാതെ ആയി പോയി, അമ്മുവിന്റെ മുഖത്തു ഞാൻ കണ്ട സന്തോഷം…. .
ഞങ്ങളുടെ കല്യാണ കാര്യം പറഞ്ഞപ്പോൾ അമ്മു പറഞ്ഞ ഏക കണ്ടിഷൻ…. അത് ഇന്ന് ഈ നിമിഷം നിറവേറിയിരിക്കുന്നു…… അമ്മുവിന് ഒരു കുഞ്ഞനുജൻ….. അവന് ഞങ്ങൾ  അനുരാജ് എന്ന് പേരിടും…. ഞങ്ങളുടെ   അനുകുട്ടൻ?

അങ്ങനെ ഞങ്ങളുടെ സന്തോഷം നിറഞ്ഞ ജീവിതത്തിലേക്ക് ഒരു കുഞ്ഞ് അതിഥി കൂടി വന്നിരിക്കുന്നു…… ഞാനും ദേവും അമ്മുവും അനുകുട്ടനും ഞങ്ങളുടെ മാത്രമായ ലോകം…… ഒപ്പം അനുകുട്ടന്റെ സ്വന്തം റോഷൻ മാമനും ചിത്ര ആന്റിയും…….

ശുഭം

ദേവൂന്റെയും സൂപ്പർഹീറോയുടെയും കഥ ഇവിടെ തുടങ്ങുകയാണ്…… ഇതുവരെ അനുഭവിച്ച വിഷമങ്ങൾക്ക് പകരം സന്തോഷം നിറഞ്ഞ ഭാവിയിലേക്ക്…….
യഥാർത്ഥ ജീവിതത്തിൽ സൂപ്പർഹീറോ ആവാൻ പറക്കുകയും പാന്റിന്റെ മുകളിൽ ഷെഢിയിട്ട് നടക്കുകയും വേണ്ട……. കൂടെ ഉള്ളവരെ സ്നേഹിക്കുക, എന്ത് പ്രശ്നം വന്നാലും കൈവിടാതെ ഇരിക്കുക…… അങ്ങനെ നോക്കുമ്പോൾ ഞാനും നിങ്ങളും എല്ലാം ആരുടെയെങ്കിലും കഥയിൽ സൂപ്പർഹീറോ ആയിരിക്കും………. സ്നേഹിക്കുക………. തിരിച്ച് ഒന്നും പ്രതീക്ഷിക്കാതെ സ്നേഹിക്കുക

നന്ദി?

സ്നേഹപൂർവ്വം

Hyder Marakkar?