അവൾ ചിന്തിച്ചു: “ഫവാസിനൊപ്പം പോയാൽ കഴിഞ്ഞ തവണ പബ്ബിൽ സംഭവിച്ചത് പോലെ എനിക്ക് എന്റെശരീരത്തിന്മേലുള്ള നിയന്ത്രണം നഷ്ടപ്പെടുമോ? അവന്റെ നോട്ടത്തിലും പെരുമാറ്റത്തിലും ശരീരത്തിനും ഒരുതരംകാന്തികശക്തിയുണ്ട്. വല്ലാത്തൊരു വശീകരണമുണ്ടവന്. വേണ്ട… പോകുന്നത് ഒട്ടും ബുദ്ധിപരമല്ല.”
പക്ഷേ മറ്റൊരു വശത്ത്, അവളുടെ ഉള്ളിലെ അടങ്ങാത്ത ആഗ്രഹങ്ങൾ അവളെ പ്രലോഭിപ്പിച്ചു കൊണ്ടിരുന്നു. ഗോകുലിന്റെ അഭാവം തരുന്ന ശൂന്യതയും അവളെ അസ്വസ്ഥയാക്കി. ഫവാസിനെപ്പോലൊരു കരുത്തുറ്റ പുരുഷന്റെ സാമീപ്യം അവൾ അറിയാതെ ആഗ്രഹിച്ചു പോകുന്നുണ്ടോ? അവന്റെ ജിം ശരീരം അവളുടെ മനസ്സിൽ ഒരു മിന്നായം പോലെ വന്നു പോയി..
ഭയവും അഭിനിവേശവും തമ്മിലുള്ള വലിയൊരു യുദ്ധമായിരുന്നു അവളുടെ മനസ്സിൽ. പോകണോ വേണ്ടയോ എന്നറിയാതെ അവൾ ബെഡിലേക്ക് തളർന്നിരുന്നു. അത് അപകടമാണെന്ന് അറിഞ്ഞുകൊണ്ട് തന്നെ ആ അപകടത്തിലേക്ക് നടന്നു കയറാൻ അവളുടെ ഉള്ളിലെ മറ്റൊരു മനസ്സ് വെമ്പുന്നുണ്ടായിരുന്നു. ആ ആശയക്കുഴപ്പം അവളെ വല്ലാതെ ശ്വാസം മുട്ടിക്കുന്നുണ്ടായിരുന്നു.
കുറച്ചു സമയം കഴിഞ്ഞപ്പോൾ ചിത്രയുടെ ഫോൺ വീണ്ടും ശബ്ദിച്ചു. ഫവാസാണ്… ഇത്തവണ കടുത്ത ഭാഷയിൽ ‘ഇല്ല’ എന്ന് പറയാൻ ഉറപ്പിച്ചാണ് അവൾ ഫോൺ എടുത്തത്. പക്ഷേ അവൾക്ക് സംസാരിക്കാൻ അവസരം നൽകുന്നതിന് മുൻപേ ഫവാസ് പറഞ്ഞു തുടങ്ങി.
“ചിത്രേ, നീ റെഡി ആയോ? ഞാൻ നിന്റെ വീടിന്റെ താഴെയുണ്ട്. വേഗം ഇറങ്ങി വാ… ഇപ്പോൾ ഇറങ്ങിയാലേ നമുക്ക് സൂര്യാസ്തമയത്തിന് മുൻപ് അവിടെ എത്താൻ പറ്റൂ.”
