“നീ എന്താ ഈ കാണിക്കുന്നത്? ആരെങ്കിലും കണ്ടാൽ…” വർഷയുടെ വാക്കുകൾ എബി തടഞ്ഞു.
“വർഷേ, ട്രിസയെ നീ കണ്ട കാര്യം സണ്ണി അറിഞ്ഞിട്ടുണ്ട്. സണ്ണിയും മാത്യു വക്കീലും ചേർന്ന് നിന്നെ ഇതിലേക്ക് വലിച്ചിഴയ്ക്കാൻ പ്ലാൻ ചെയ്യുന്നു. അൻസി… വക്കീലിന്റെ ഭാര്യ, അവൾ നിന്നെ കാണാൻ വരും. അവർ എന്ത് പറഞ്ഞാലും നീ വിശ്വസിക്കരുത്.”
വർഷ പകച്ചുപോയി. “എബി… നീ എന്തൊക്കെയാ ഈ പറയുന്നത്? സണ്ണി നിന്റെ കൂടെ നടക്കുന്നവനല്ലേ? പിന്നെ അൻസി മാഡം എന്തിനാ എന്നെ കാണുന്നത്?”
“സണ്ണി എന്റെ കൂടെ നടക്കുന്നത് എന്നെ പൂട്ടാനാണ് വർഷേ. എന്റെ അച്ഛനെതിരെ അവർ ചില ചതികൾ പ്ലാൻ ചെയ്യുന്നുണ്ട്. വിനിതയുടെ അടുത്ത കൂട്ടുകാരിയായത് കൊണ്ട് നിന്നെ അവർ ഒരു കരുവായി ഉപയോഗിക്കും. നീ ആരോടും ഒന്നും പറയണ്ട… പ്രത്യേകിച്ച് വിനിതയോട് പോലും.”
എബി അവളുടെ കൈകളിൽ മുറുകെ പിടിച്ചു. വർഷ അവന്റെ കണ്ണുകളിലേക്ക് നോക്കി. പണ്ടത്തെ ആ പാവം എബിയല്ല ഇത്. ഇതിനു മുൻപ് ഒരിക്കലും കാണാത്ത ഒരു തീക്ഷ്ണത അവന്റെ കണ്ണുകളിലുണ്ട്.
“എബി… നീ ആരാണെന്ന് എനിക്ക് ഇപ്പോഴും മനസ്സിലാകുന്നില്ല. നീ വെറുമൊരു സ്റ്റുഡന്റ് അല്ലെന്ന് എനിക്ക് അറിയാം. എന്താ നിന്റെ ലക്ഷ്യം?” വർഷ ഇടറിയ ശബ്ദത്തിൽ ചോദിച്ചു.
“സമയം വരുമ്പോൾ ഞാൻ എല്ലാം പറയാം വർഷേ. ഇപ്പോൾ നീ ഇത് മാത്രം ഓർത്താൽ മതി… നിന്റെ സുരക്ഷ എനിക്ക് പ്രധാനമാണ്.”
ജനാലയിലൂടെ പുറത്തെ ഇരുട്ടിലേക്ക് നോക്കിയ ശേഷം എബി വന്നതുപോലെ തന്നെ തിരിച്ചു പോകാൻ തയ്യാറായി. പോകുന്നതിനു മുൻപ് അവൻ വർഷയുടെ കയ്യിൽ ഒരു ചെറിയ ചിപ്പ് വെച്ച് കൊടുത്തു. “ഇതിൽ സണ്ണിയുടെയും വക്കീലിന്റെയും ചില സംഭാഷണങ്ങളുണ്ട്.ഇത് സുരക്ഷിതമായി വെക്കുക. കോളേജ് ഡേയിൽ എന്തെങ്കിലും പ്രശ്നമുണ്ടായാൽ ഇത് നമുക്ക് തുണയാകും.”
കോളേജിൽ വെച്ചു നടക്കുന്ന ഒരുപാട് സിനുകൾ ഞാൻ ഒഴുവാക്കി കട്ട് ചെയ്തു, ബാക്കി കഥയെ ചെറിയ എപ്പിസോഡ് ആക്കി എഡിറ്റ് ചെയ്തുയിരിക്കുന്നത്..സെക്സ് സിൻ ഉണ്ടാകില്ലെന്നു പറയുന്നു..
ബ്രോ നോവൽ complete ആയ ശേഷം uncut വേർഷൻ pdf ആക്കി ഇടാമോ. uncut ഉൻ നിലവിലുള്ള വേർഷനും pdf ആക്കി ഇടാൻ മറക്കല്ലേ
കൊള്ളാം ബ്രോ. പ്രതീക്ഷിച്ച പോലെ തന്നെ സണ്ണിയുടെ കാര്യം. മൈൻഡ് ഗെയിമിലൂടെ നന്നായി തന്നെ മുന്നോട്ട് പോകുന്നുണ്ട്. കഥയുടെ ബാക്കി ഭാഗങ്ങൾ വേഗം തന്നു ഇതൊന്നു പൂർത്തിയാക്കിയാൽ കൊളളായിരുന്നു.ഈഗർലി വെയിറ്റിങ് ❤️