Curious case edited version 1,2,3,4 [Willie Beamen] 108

3. ഡോക്ടർ സോമൻ പിള്ള (സന്ദീപിന്റെയും ശരണ്യയുടെയും ഫാമിലി):

“പഴയ ഫോറൻസിക് ഡോക്ടറായ സോമൻ പിള്ളയ്ക്ക് നിയമത്തിലെ പഴുതുകൾ കൃത്യമായി അറിയാം. ഒരു കേസ് എങ്ങനെ തെളിവില്ലാതെ ആക്കാം എന്നതിൽ അയാൾ വിദഗ്ദ്ധനാണ്. ഭാര്യ ഹരിത മേനോൻ നഗരത്തിലെ അറിയപ്പെടുന്ന ഡോക്ടറാണ്. സന്ദീപും ശരണ്യയും പുറത്ത് മാന്യന്മാരാണെങ്കിലും, കോളേജിനുള്ളിലെ ലഹരി ഇടപാടുകൾക്കും മറ്റും സോമൻ പിള്ളയുടെ മകൻ സന്ദീപിന് പങ്കുണ്ടെന്ന് സംസാരമുണ്ട്. മകനെ സംരക്ഷിക്കാൻ എന്ത് ക്രൈമും മറച്ചുവെക്കാൻ സോമൻ പിള്ള മടിക്കില്ല.”

“അങ്കിൾ പേടിക്കണ്ട, ഇതൊരു മുൻകരുതൽ മാത്രമാണ്.” എബി ചിരിച്ചുകൊണ്ട് എഴുന്നേറ്റു.

മാത്യു വക്കീലിന്റെ നെഞ്ചിടിപ്പ് ഇപ്പോഴും നിലച്ചിരുന്നില്ല.

⏩⏩

കോളേജിലേക്ക് പോകാൻ ഇറങ്ങിയ ഉണ്ണിയാണ് വിയർത്തു കുളിച്ചു വരുന്ന എബിയെ കണ്ടത്. “കോളേജിൽ പോകുന്നില്ലേ?” എബി ചോദിച്ചപ്പോൾ ഉണ്ണി ഒന്ന് അന്തംവിട്ടു. “ഞാൻ ഇറങ്ങുകയാ…” ഉണ്ണി ബൈക്ക് സ്റ്റാർട്ട് ചെയ്തു.

എബി അകത്ത് കയറി കുളിച്ച്, ഒരു പിങ്ക് ചെക്ക് ഷർട്ടും വൈറ്റ് ജീൻസുമിട്ട് പക്കാ സ്റ്റൈലിഷ് ലുക്കിൽ പുറത്തിറങ്ങി. ഗേറ്റിന് പുറത്ത് സണ്ണി കാത്തുനിൽക്കുന്നുണ്ടായിരുന്നു.

“നീ കാർ എടുക്കാൻ പോവുകയാണോ?” സണ്ണി ചോദിച്ചു.

“പത്ത് കാർ വാങ്ങാനുള്ള പണം അക്കൗണ്ടിലുണ്ട് സണ്ണീ… ഒരു ചെറിയ കാർ ഉടനെ എടുക്കണം.” സണ്ണിയെ കളിയാക്കി എബി ബൈക്കിന് പിന്നിൽ കയറി.

കോളേജിലെത്തിയ എബി ക്ലാസ്സിലേക്ക് കയറി ചെന്നു. വിമല ടീച്ചർ ക്ലാസ് എടുക്കുകയായിരുന്നു. “യെസ്… കം ഇൻ.” ടീച്ചർ പുഞ്ചിരിയോടെ സ്വാഗതം ചെയ്തു. ബാഗും ബുക്കുമില്ലാതെ കയറി വരുന്ന എബിയെ കണ്ട് ബാക്കിയുള്ളവർ വാ പൊളിച്ചു.