ഡാനിയുടെ മമ്മിയും ക്രിസ്റ്റിയും 4 [സ്മിത] 131

 

“സുന്ദരിക്കുട്ടി എങ്ങോട്ടാ?”

 

നല്ല പഞ്ചാരയാണെന്നതൊഴിച്ചാല്‍ അശോകന്‍ ചേട്ടനെക്കൊണ്ട് പ്രത്യേകിച്ചും ശല്യമൊന്നുമില്ല. ശല്യമില്ലെന്നു മാത്രമല്ല ഉപകാരിയുമാണ്.

 

“മാര്‍ക്കറ്റിലേക്കാ അശോകന്‍ ചേട്ടാ,”

 

മധുരമൂറുന്ന ശബ്ദത്തില്‍ അവള്‍ പറഞ്ഞു.

 

“എന്ത് പറ്റി? മുഖത്ത് ഒരു വാട്ടമുണ്ടല്ലോ! അസുഖം എന്തേലും?”

 

ഈശോയെ!

ഉള്ളിലെ നോവ് പുറത്ത് കാണുന്നുണ്ടോ? തന്നെ എപ്പോഴും പ്രസന്നയായാണ് എല്ലാവരും കണ്ടിട്ടുള്ളത്. ഇത് ആദ്യമായാണ്‌ ഒരാള്‍ ഇങ്ങനെ ചോദിക്കുന്നത്.

 

“ഒന്നൂല്ല ചേട്ടാ,”

 

അവള്‍ പറഞ്ഞു.

 

“ചെറിയ ഒരു തലവേദന ഉണ്ടാരുന്നു നൈറ്റില്‍..അതിന്‍റെ ആരിക്കും…പോയിട്ട് വരാം ചേട്ടാ…”

 

അവള്‍ പെട്ടെന്ന് അയാളെ ഒഴിവാക്കാന്‍ പറഞ്ഞു.

 

“എന്തേലും ഹെല്‍പ്പ് വേണോ?”

 

അയാള്‍ വീണ്ടും ചോദിച്ചു.

 

“വേണേല്‍ ഞാന്‍ പോയിട്ട് വരാം..ലിസ്റ്റ് ഇങ്ങ് തന്നാല്‍ ..”

 

“അയ്യോ വേണ്ട…”

 

സ്കൂട്ടര്‍ മുമ്പോട്ടേക്കെടുത്ത് അവള്‍ പറഞ്ഞു.

 

“താങ്ക്യൂ കേട്ടോ…”

 

അയാള്‍ക്ക് ഒരു പുഞ്ചിരി സമ്മാനിച്ച് അവള്‍ മുമ്പോട്ട്‌ നീങ്ങി.

പീപ്പിള്‍സ് മാളിലേക്ക് ആണ് അവള്‍ ആദ്യം പോയത്.

ഗ്രോസറി ഐറ്റംസ് വെച്ചിരുന്ന റാക്കുകള്‍ക്കിടയിലൂടെ നടക്കുമ്പോള്‍ പെട്ടെന്നാണ് അവള്‍ രവീണ മിസ്സിനെ കണ്ടത്.

ഡാനിയുടെ ക്ലാസ് ടീച്ചര്‍.

 

“ഹലോ മിസ്സ്‌…”

 

അവരുടെ പിമ്പിലെത്തി സെലിന്‍ വിളിച്ചു.

അവര്‍ പെട്ടെന്ന് തിരിഞ്ഞു നിന്നു.