ദീപുവിന്റെ വല്യേച്ചി 2 [Sagar Kottappuram] 926

ഉള്ളിലെ സന്തോഷം പുറത്തു ഭാവിക്കാതെ ഞാൻ ഒഴുക്കൻ മട്ടിൽ പറഞ്ഞു . പിന്നെ ബൈക്കും തള്ളിക്കൊണ്ട് വീട്ടിലേക്കു നീങ്ങി . മുറ്റത്തു ബൈക്ക് നിർത്തി സ്റ്റാൻഡ് ഇട്ടു വെച്ച് ടാങ്ക് കവറിനുള്ളിൽ നിന്നും ഞാൻ തൊഴിൽവീഥി പുറത്തെടുത്തു . പിന്നെ അതും കയ്യിൽ ചുരുട്ടിപിടിച്ചുകൊണ്ട് പൂമുഖത്തേക്ക് കയറി .അമ്മയും പെങ്ങളുമൊക്കെ സീരിയൽ കാണുന്ന തിരക്കിലാണെന്നു അകത്തു നിന്നും ടി.വി യുടെ ശബ്ദം കേട്ടപ്പോഴേ മനസിലായി . ഞാൻ ഉമ്മറത്തേക്ക് കയറി നേരെ ഹാളിലേക്ക് നോക്കി . അമ്മയും അനിയത്തിയും സോഫയിലിരുന്നു സീരിയൽ കാണുന്നുണ്ട് . വല്യേച്ചിയെ ഹാളിൽ ഒന്നും കാണുന്നില്ല .
ഞാൻ ഒന്ന് ചുമച്ചുകൊണ്ട് ഹാളിലേക്ക് കയറിയതും അമ്മയും അനിയത്തിയും എന്നെ തിരിഞ്ഞു നോക്കി .

“ആഹ് നീ വന്നോ ..ഇന്ന് നേരത്തെ ആണല്ലോടാ ..”
അമ്മ പയ്യെ പറഞ്ഞുകൊണ്ട് ഇരിക്കുന്നിടത്തു നിന്നും എഴുനേറ്റു മുടി മാടിക്കെട്ടി . ഒരു കറുത്ത നൈറ്റിയാണ് അമ്മയുടെ വേഷം .

“ആഹ് ..കടയിലിന്നു വല്യ തിരക്കൊന്നും ഇല്ല ..അതോണ്ട് വേഗം പോന്നു. പിന്നെ വല്യേച്ചി ഇവിടുണ്ടോ ? അപ്പുറത്തു ചോദിച്ചപ്പോ ഇങ്ങോട്ടു വന്നെന്നു പറഞ്ഞല്ലോ ”
ഞാൻ അമ്മക്കുള്ള മറുപടി നൽകികൊണ്ട് സ്വാഭാവികമായി ചോദിച്ചു .

“ആഹ്…മുകളിലുണ്ട് ..ഇതുവരെ ഇവിടിരുന്നു ടി.വി കണ്ടിരുന്നതാ..പെട്ടെന്ന് തലവേദന ആണെന്നും പറഞ്ഞു ഒറ്റപ്പോക്ക് ..”
എന്റെ അമ്മ ആ ചോദ്യത്തിന് പുഞ്ചിരിയോടെ മറുപടി നൽകി .

“മ്മ് …”
ഞാനതിനു അമർത്തിയൊന്നു മൂളി . മുകളിൽ ആകെയുള്ളത് എന്റെ റൂം മാത്രമാണ് . സോ അവള് അവിടെ തന്നെ കാണുമെന്നു എനിക്കുറപ്പാണ് !

“ഏട്ടന്റെ റൂമിലോട്ടു പോയിട്ടുണ്ട് ..കുറച്ചുനേരം കിടക്കണമെന്നു പറഞ്ഞു ”
ടി.വി യിൽ കണ്ണും നട്ടിരുന്ന എന്റെ അനിയത്തി ദിവ്യ ഞങ്ങളുടെ സംസാരം ശ്രദ്ധിച്ചെന്നോണം എന്നോടായി പറഞ്ഞു .

“ആഹ് ..എന്ന ഞാനൊന്നു പോയി നോക്കട്ടെ ..ഈ സാധനം കൊടുക്കണം ”
കയ്യിലുണ്ടായിരുന്ന തൊഴിൽവീഥി വീശികാണിച്ചുകൊണ്ട് ഞാൻ അമ്മയെയും അനിയത്തിയേയും നോക്കി .

“ഹാഹ് ..അതൊക്കെ പിന്നെ കൊടുക്കാം . അവളിന്നു ഇവിടെയാ കിടക്കുന്നെന്നു പറഞ്ഞു . പിന്നെന്തിനാ ധൃതി? നീയിരിക്ക് അമ്മ ചായ എടുക്കാം ”
സ്വല്പം ഗൗരവത്തിൽ തന്നെ പറഞ്ഞു എന്റെ അമ്മ അടുക്കളയിലോട്ടു നീങ്ങി .

അതോടെ തൊഴിൽവീഥിയും കയ്യില്പിടിച്ചു ഞാൻ ഉമ്മറത്തേക്ക് നടന്നു . പിന്നെ അവിടെ കിടന്ന ഒരു കസേര വലിച്ചിട്ടു അതിലേക്ക് ചാരി കിടന്നു . അപ്പോഴേക്കും ചായയും പലഹാരവുമായി എന്റെ അമ്മയെത്തി .

“ചോറ് കഴിക്കണ്ട നേരമായി..അപ്പോഴാ ഇങ്ങടെ ഒരു ചായ ”
അമ്മയുടെ വരവ് നോക്കി ഞാൻ ആരോടെന്നില്ലാതെ പറഞ്ഞു .

“പോടാ..നീ കഴിച്ചു കിടക്കണമെങ്കിൽ മണി പന്ത്രണ്ട് ആകും..പിന്നെന്താ ഇപ്പൊ കുടിച്ചാൽ”
എന്റെ വാദം തള്ളി അമ്മച്ചി ചിരിച്ചു . പിന്നെ കയ്യിലുണ്ടായിരുന്ന കട്ടൻ ചായയും ഉണ്ണിയപ്പവും എന്റെ മുൻപിലെ തിണ്ണയിലേക്കു വെച്ചു.

“മ്മ് ..അതും ശരിയാ …”
ഞാൻ പയ്യെ പറഞ്ഞു ചിരിച്ചു ചായ ഗ്ലാസ് കയ്യിലെടുത്തു .

“പിന്നെ നീയിങ്ങനെ അവിടെ തന്നെ കൂടിയാൽ മതിയോ ദീപു , വല്ല കോഴ്‌സിനും പോടാ ചെക്കാ ..”
അമ്മ എന്നത്തേയും പോലെ ഒരുപദേശം വിളമ്പി .

“അതൊക്കെ ഇനിയും സമയമില്ലേ അമ്മെ ..ഇപ്പൊ ഇങ്ങനെ പോട്ടെ ..”
ഞാൻ പതിവ് സ്റ്റൈലിൽ തട്ടിവിട്ടു ചിരിച്ചു .