ദീപുവിന്റെ വല്യേച്ചി 2 [Sagar Kottappuram] 924

“മ്മ് ..നിന്റെ അച്ഛൻ വിളിക്കുമ്പോഴും ഇത് തന്നെ പറയണം ”
അമ്മച്ചി ഒരു ഭീഷണി പോലെ പറഞ്ഞു ചിരിച്ചു . പിന്നെ സീരിയൽ കാണാൻ വേണ്ടി അകത്തേക്ക് തന്നെ തിരിച്ചു നടന്നു . ഞാനാ സമയം ഉമ്മറത്ത് ഒറ്റക്കിരുന്നുകൊണ്ട് ചായയും ഉണ്ണിയപ്പവും കഴിച്ചു തീർത്തു . പിന്നെ കിണ്ടിയിലെ വെള്ളമെടുത്തു കയ്യും വായുമൊന്നു കഴുകികൊണ്ട് തിരിച്ചു അകത്തേക്ക് തന്നെ കയറി .

“മുകളിലോട്ടാണോ ?”
ഞാൻ ഹാളിലേക്ക് കയറിയതും അമ്മ സംശയത്തോടെ തിരക്കി .

“ആഹ് ..”
ഞാനതിനു പയ്യെ മൂളി .

“ആ പെണ്ണ് അവിടെ കിടന്നു ഉറങ്ങിയോ എന്തോ..അതിനെ ഒന്ന് വിളിച്ചേക്കണേ ”
വല്യേച്ചിയുടെ കാര്യം ഓർത്തു അമ്മ ചിരിയോടെ പറഞ്ഞു .

“ആഹ്..പറയാം ..അത് കേൾക്കുമോ എന്തോ ”
ഞാൻ ആരോടെന്നില്ലാതെ പറഞ്ഞു ചിരിച്ചു . വല്യേച്ചിയുടെ സ്വഭാവം അറിയാവുന്നതുകൊണ്ട് അവരും അതുകെട്ടൊന്നു ചിരിച്ചു .

പിന്നെ എനിക്ക് പിടിച്ചു നിൽക്കാനാകുമായിരുന്നില്ല. ഞാൻ സ്വല്പം ആവേശത്തിൽ ഗോവണി കയറി എന്റെ റൂമിലേക്ക് നടന്നു . ഞാൻ ചെല്ലുമ്പോൾ തലവേദന ആണെന്ന് പറഞ്ഞ പെണ്ണ് എന്റെ കട്ടിലിന്റെ ക്രാസിയിൽ ചാരി കിടന്നു മൊബൈൽ നോക്കുന്നുണ്ട് .

വാതിൽക്കൽ നിന്നുകൊണ്ട് തന്നെ ഞാനാ കാഴ്ച നോക്കി ! ഉച്ചക്ക് ഇട്ടിരുന്ന അതെ നൈറ്റി തന്നെയാണ് അപ്പോഴും വേഷം !

“അല്ല ഇതാരാ ..”
ഞാൻ വാതിൽക്കൽ നിന്ന് ചിരിയോടെ തിരക്കി .അപ്പോഴാണ് കക്ഷി ഞാൻ വന്ന കാര്യം അറിയുന്നത് .

“ആഹ്..നീ ഇങ്ങെത്തിയോ ..ഇന്ന് നേരത്തെ ആണല്ലോ മോനെ ”
വല്യേച്ചി മൊബൈലിലെ സമയം നോക്കികൊണ്ട് ചിരിയോടെ പറഞ്ഞു .

“ആഹ്…സ്വല്പം നേരത്തെ പോന്നു ..ഇന്ന് കാര്യമായ കച്ചോടം ഒന്നും ഇല്ല ”
ഞാൻ ഒഴുക്കൻ മട്ടിൽ പറഞ്ഞു അകത്തേക്ക് കടന്നു .

“ഡാ ഡാ ..അതങ്ങു ചാരിക്കോ ..”
ഞാൻ അകത്തേക്ക് കടന്നതും ഒരോർമപെടുത്താൽ പോലെ വല്യേച്ചി പറഞ്ഞു .

കൂടുതലൊന്നും ചോദിയ്ക്കാൻ നിക്കാതെ ഞാൻ കതകു ചാരി . പിന്നെ തിരിഞ്ഞുകൊണ്ട് കയ്യിൽ കരുതിയിരുന്ന തൊഴിൽവീഥി അവൾക്കു നേരെ ബെഡിലേക്കു വീശിയെറിഞ്ഞു .

“ഇന്നാടി …”
ഞാൻ പറഞ്ഞു തീരും മുൻപേ അത് വല്യേച്ചിയുടെ കാൽകീഴിലേക്ക് ചെന്ന് വീണു .

“താങ്ക്സ് …”
എന്നെ നോക്കി ചിരിച്ചു കൊണ്ട് അവൾ പയ്യെ പറഞ്ഞു . പിന്നെ കൈനീട്ടി അതെടുത്തു നോക്കി .

“നീ കുളിച്ചില്ലേ നാറീ..?ഞാൻ ഉച്ചക്ക് വന്നപ്പോഴുള്ള വേഷം ആണല്ലോ ഇത് ?”
ഞാൻ അവളെ ഒന്ന് ചൊറിയാൻ വേണ്ടി ചിരിയോടെ തിരക്കി .

“ഓ പിന്നെ ..കുളിച്ചില്ലെങ്കി ഇപ്പൊ ആകാശം ഇടിഞ്ഞു വീഴുമല്ലോ ”
വല്യേച്ചി പുച്ഛത്തോടെ പറഞ്ഞു തൊഴിൽവീഥി മറിച്ചു നോക്കി .