ദേവാദി 7 ❤? [അർജുൻ അർച്ചന] 193

എനിക്ക് എന്ത് ചെയ്യണം എന്നറിയാൻ വയ്യ…..അവളുടെ പ്രവർത്തികളിൽ സത്യമുണ്ടെന്ന് എനിക്ക് തോന്നി …..

കാരണം ഇത്രയും നാൾ എന്റെ ഭാഗം മാത്രമായിരുന്നല്ലോ എന്റെ ശെരി….. അവൾക്ക് എന്നോട് താല്പര്യമില്ലെന്ന് അറിഞ്ഞപ്പോ മുതൽ ഞാൻ ചിന്തിച്ചിരുന്നതും എന്റെ ഭാഗം മാത്രം ആണല്ലോ……

പെട്ടന്ന് അവൾ എന്നെ തലയുയർത്തി നോക്കി……

മിന്നലുപോലെ പാഞ്ഞെന്റെ അടുക്കലേക്ക് വന്നു….. മുട്ടുകുത്തി അവളെന്റെ മുഖം അവളുടെ കൈയിൽ കോരിയെടുത്തു…..

പതിയെ എന്റെ നെറ്റിയിൽ ഒരുമ്മ തന്നു…….

എന്റെ കണ്ണടഞ്ഞു പോയി…. എത്രയോ നാളുകൾക്ക് ശേഷമാണ്…… അവൾ…… എനിക്ക് അവളെ മുറുകെ പിടിച്ചു കരയണമെന്ന് തോന്നി……

എത്ര മായ്ച്ചാലും മായ്ക്കാൻ ശ്രമിച്ചാലും അവളെന്റെ ഉള്ളിൽ കൂടുതൽ ശക്തിയോടെ തെളിയുന്നു എന്നെന്നിക്ക് മനസിലായി…….

ആ ഉമ്മ നൽകി അവൾ എന്റെ നെറ്റിയിൽ അവളുടെ നെറ്റി മുട്ടിച്ചു പിന്നെയും കരയാൻ തുടങ്ങി…..

ഇപ്പോ ഞങ്ങളുടെ മുഖങ്ങൾ തമ്മിൽ അടുത്താണ്…… ഒന്ന് തല ചലിപ്പിച്ചാൽ എന്റെ ചുണ്ടിന് അതിന്റെ ഇണയെ തൊടാം എന്ന രീതിലായിരുന്നു ഞങ്ങളുടെ മുഖങ്ങൾ……

ആ കരയുന്നതിന്റ ഇടയിൽ അവൾ പറയുന്നുണ്ടായിരുന്നു……

” ദേവാ ഞാൻ വിശ്വസിച്ചു പോയതാ… നിന്നെ ഞാൻ തള്ളിപറഞ്ഞു എല്ലാം അവര് കാരണാ….. എന്റെ വാവ ഒന്നും ചെയ്തിട്ടില്ലന്ന് ഞാൻ ഇപ്പോഴാ അറിയുന്നേ എന്റെ പൊന്നിനെ ഞാൻ ഒരുപാട് വിഷമിപ്പിച്ചു… എന്നോട് പൊറുക്കെടാ….. ”

ഇത്രയും ആയപ്പോഴേക്കും അവളൊരുമാതിരി ഭ്രാന്തമായി അലറാൻ തുടങ്ങിയിരുന്നു…. ഒപ്പം എന്നെ മുറുക്കി കെട്ടിപിടിക്കയും ചെയ്തു ……..

അവളുടെ രണ്ടു കൈകളും എന്റെ കഴുത്തിൽ ചുറ്റി ഭ്രാന്തമായി എന്നെ മുറുകെ പുണർന്നു കൊണ്ടവൾ പറഞ്ഞതുതന്നെ വീണ്ടും പറഞ്ഞുകൊണ്ടിരുന്നു….