ദേവാദി 8 [അർജുൻ അർച്ചന] 173

 

അവളുടെ ഓർമ്മകൾ അഞ്ചുമാസം പുറകിലേക്ക് പോയി……

 

****************************

 

അഞ്ചു മാസങ്ങൾക്ക് മുൻപുള്ള ഒരു കോളേജ് ഡേ…….

 

ദേവിനെ കാണാനില്ലല്ലോ…. വിളിച്ചാലൊട്ട് എടുക്കേം ഇല്ല… ഏത് നേരോം ഒരു വണ്ടീം എടുത്ത് ഊര് തെണ്ടലല്ലേ ഇവിടൊരാൾ കാത്തിരിപ്പുണ്ടെന്ന ഏഹേ… വല്ല വിചാരവും ഇണ്ടോ ന്ന് നോക്ക്…. വരട്ടെ ശരിയാക്കാം……..

 

“ഹായ് ഋതൂ……. ”

 

” ആഹ് ടീച്ചർ…… ”

 

അഖില ടീച്ചർ ആണ്…. ദേവിനെ പഠിപ്പിക്കുന്ന ടീച്ചർ….. നല്ല കമ്പനി ആണ് പുള്ളികാരിയുമായിട്ട്….

 

” എന്താണ് ദേവിനെ നോക്കി ഇരിപ്പാകും.. ല്ലേ….. ”

 

“ആഹ് അതേ ടീച്ചർ……”

 

“ആഹ്…..”

 

അവരെന്തോ ആലോചിക്കുന്നത് പോലെ തോന്നി….

 

ഞാൻ ആണെങ്കിൽ ആ കഴുതയെ വിളിച്ചുകൊണ്ടിരിക്കുവാണ്……..

 

 

” ഋതു എനിക്കൊരു കാര്യം പറയാൻ ഉണ്ട്… ”

 

അവർ പെട്ടന്നത് പറഞ്ഞപ്പോൾ ഞാനൊന്ന് മെല്ലെ തലയുയർത്തി നോക്കി …….

 

” ആഹ് പറഞ്ഞോളൂ ടീച്ചർ….. ”