ദേവാൻഷ് 5 [മഹി] 290

ക്ലാസ്സിലേക്ക് കയറിയ അൻഷ് ഉള്ളിൽ അഭിരാമിയുടെ ഒപ്പം നിൽക്കുന്ന ദക്ഷയെ കണ്ട് അവളുടെ അടുത്തേക്ക് പോയി….
ദക്ഷയുടെ മുഖത്തെ തളർച്ചയും ക്ഷീണവുമൊക്കെ കണ്ട് അവനു പാവം തോന്നി…

“ഐണു…. തളർന്നോടി….”
അത്രയും ആർദ്രമായ ചോദ്യം…. ദക്ഷ മറ്റൊന്നും പറയാതെ അവന്റെ നെഞ്ചിലേക്ക് പതുങ്ങി… അഭിരാമി ചിരിച്ചു…. പുലി പൂച്ചക്കുട്ടിയായെന്ന് മനസ്സിൽ പറഞ്ഞു…

“അവൾക്ക് ഡേറ്റ് ആയി…. അതിന്റെ ക്ഷീണമാ…”
അഭിരാമി പറഞ്ഞതും ദക്ഷ അവളെ കൂർപ്പിച്ചു നോക്കി…. അവനിൽ നിന്നും അകന്നുമാറാൻ നോക്കിയതും അൻഷ് ഒന്നുകൂടെ ദക്ഷയെ തന്നിലേക്ക് ചേർത്തുപിടിച്ചു….

“ഇനി പ്രോഗ്രാം ഉണ്ടോ നിനക്ക്….”

“ഇല്ല….”…ദക്ഷ പറഞ്ഞു

“..പിന്നെ…. വീട്ടിൽ പോയി റസ്റ്റ്‌ എടുക്ക്…”.
വാത്സല്യത്തോടെ അൻഷ് അവളുടെ വിയർപ്പൊട്ടിയ മുടിയിഴകളിൽ തലോടി….

“മ്മ്ഹ്ഹ് ഇറങ്ങുവാ….”
അവൾ അൻഷിൽ നിന്നും അടർന്നുമാറി ഡെസ്കിൽ ഇരുന്ന ബാഗ് എടുത്തു,….പുറത്തേക്ക് ഇറങ്ങുന്നതിനുമുമ്പ് ഒരുതവണ അവനെ തിരിഞ്ഞു നോക്കി….

“എന്നെ എങ്ങനെയാ ഇഷ്ടമായത്?…”
ദക്ഷായണി അല്പം മടിയോടെ ചോദിച്ചു….

അഭിരാമിക്ക് അവളെയോർത്ത് സഹതാപം തോന്നി… പ്രണയം തോന്നാൻ കാരണങ്ങളുടെ ആവശ്യമില്ല ദക്ഷ…. ഒരു നോട്ടം മതി…. അതിനിത്ര സമയം എന്നില്ല…. ഒരു നിമിഷം മതി…. കേവലം അമ്പത് ഹോർമോണുകളുടെ ബലത്തിൽ നീങ്ങുന്നതാണ് ഒരു മനുഷ്യശരീരം, അതിൽ ഏതെങ്കിലും ഒന്നിലൊരു കൊളുത്തിവലി ഉണ്ടായാൽ സകലവും മാറി മറിയും….ദക്ഷയുടെ ചോദ്യത്തിന് അൻഷ് കളിയാക്കുമെന്ന് അഭിരാമി കരുതി പക്ഷെ!!!