ദേവാൻഷ് 5 [മഹി] 290

അടുത്ത ദിവസവും ഇതുതന്നെ ആവർത്തിച്ചു….. അവന്റെ മുഖമൊന്ന് കാണാൻ ദക്ഷയുടെ ഉള്ളം തുടിച്ചു….

“ഡേയ്… അൻഷ് ഇന്ന് വരില്ലേ….”
ദക്ഷ ചോദിച്ചതും ആൽവിന്റെ മുഖത്ത് വിഷാദം തങ്ങി

“ആ കുട്ടി… ആ കുട്ടി ഇന്നലെ വൈകിട്ട് മരിച്ചു….”

ഗുഹയിലെന്നപോലെ ആൽവിന്റെ ശബ്ദം ദക്ഷ കേട്ടു….അവൾ മുഖം പൊത്തി സീറ്റിലേക്ക് ഇരുന്നുപോയി…. നാവ് വഴങ്ങി തുടങ്ങാത്ത ഒരു കുഞ്ഞിന്റെ ചിരി വിലാപങ്ങളായി അവളുടെ ഉള്ളിൽ പതിഞ്ഞു…..

.
.

ഒരാഴ്ചക്കുശേഷം….

കോളേജ് ഗേറ്റിനുമുന്നിൽ arts day ബാന്നർ ഉയർന്നു….കോളേജ് ഓഡിറ്റോറിയത്തിലാണ് വേദി, പത്തുമണിക്ക് ആരംഭിക്കുന്ന സമ്മേളനത്തിൽ,അവസാനം പുറത്തിറങ്ങിയ ഒന്നുരണ്ട് സിനിമകളിൽ താരമായിരുന്ന ലക്ഷ്മി സബലേങ്കയാണ് അഥിതി…ഉദ്ഘാടനത്തിനായി സ്ഥലം mla ദിനകരനെ നിശ്ചയിച്ചിരുന്നു എങ്കിലും അയാൾക്ക് വരാൻ കഴിയില്ലെന്ന് ഇന്നലെ വിളിച്ചറിയിച്ചിരുന്നു…. അതുകൊണ്ട് സബലേങ്ക തന്നെയാണ് പ്രോഗ്രാം ഉദ്ഘാടനവും

ആ കുഞ്ഞിന്റെ മരണത്തിനുശേഷം അൻഷ് കോളേജിൽ എത്തിയിട്ടില്ല….മനുവും ആൽവിനും പെൺകുട്ടികളെയെല്ലാം വായിനോക്കി ചുറ്റി നടക്കുകയാണ്.
ദക്ഷായണിക്കും അഭിരാമിക്കും പ്രോഗ്രാമുകളുണ്ട്….ഇരുവരും കോളേജ് സെമിനാർ ഹാളിൽ അവസാനഘട്ട പ്രാക്ടിസിൽ ആയിരുന്നു

സമയം 9:45 കഴിഞ്ഞു….നീല party ware സാരിയിൽ സുന്ദരിയായി സബലേങ്ക കോളേജ് നടയിൽ തന്റെ ആഡംബരകാറിൽ വന്നിറങ്ങി….ഓഡിറ്റോറിയം സ്റ്റേജിൽ നിലവിളക്ക് കൊളുത്തി ലക്ഷ്മി സബലേങ്ക പ്രോഗ്രാം ഉദ്ഘാടനം ചെയ്തു…..സമ്മേളനത്തിനുശേഷം അവരിറങ്ങി മുൻനിരയിലെ കസേരകളിലൊന്നിൽ മറ്റ് അധ്യാപകർക്കൊപ്പം കുട്ടികളുടെ പ്രോഗ്രാം കാണുന്നതിനായി നിവർന്നിരുന്നു….