ദേവാസുരം 4 [ഏകൻ] 128

“ശരിയാ ഉത്തമേട്ടൻ പോയിക്കോ. പക്ഷെ ശ്രദ്ധിച്ചു പോകണം. വേറെ ഒന്നും ഞാൻ പറയേണ്ടല്ലോ..?” ഞാൻ പറഞ്ഞു.

.

“ഞാൻ പോയിക്കോളാം കണ്ണാ. നീ സൂക്ഷിക്കണം. ഇവിടെ അധികം നിൽക്കേണ്ട. ഇത് ഇവൻ മാരുടെ ഏരിയ ആണ്.. പിന്നെ അവരുടെ മേലെ ഒരു ശ്രദ്ധ വേണം. ” ഉത്തമേട്ടൻ പറഞ്ഞു.

“എല്ലാ ഏരിയയും നമുക്ക് ഒരുപോലെ അല്ലേ ഉത്തമേട്ടാ.. ഇനി കാലന്റെ കൈയിൽ നിന്ന് ചാകാൻ നേരിട്ട് ടോക്കൺ എടുക്കാൻ വരുന്നവർ ഉണ്ടെങ്കിൽ വരട്ടെ. നമുക്ക് നോക്കാം ” ഞാൻ പറഞ്ഞു.

അപ്പോൾ രാജു അങ്ങോട്ടേക്ക് വന്നു. എന്നിട്ടു ചോദിച്ചു.

“കണ്ണേട്ടാ. ഇവരേയും ചാണക സുഗന്ധം പൂശിയെടുക്കേണ്ടേ..? ”

കണ്ണൻ ‘ എന്റെ വിളിപ്പേരാണ്. സ്നേഹം ഉള്ളവർ മാത്രം വിളിക്കുന്ന പേര്.

“കണ്ണാ . ഒരു കാര്യം ചെയ്‌. ഫാമിലേക്ക് വൈക്കോലും കൊണ്ട് മുരുകൻ പോയിക്കോട്ടെ. കൂടെ രാജുവും. . എന്നിട്ടു മുരുകൻ അവന്റെ പെണ്ണിന്റെ കൂടെ ഒന്ന് രണ്ട് ദിവസം കഴിഞ്ഞിട്ട് അങ്ങോട്ട് വന്നോട്ടെ. അവൾക്ക് വയ്യാതിരിക്കുവല്ലേ..?. ഇവരേയും കൊണ്ട് കാലൻ മേട്ടിലേക്കു ഞാൻ പോയിക്കോളാം. കണ്ണനും അജുവും അവരേയും കൊണ്ട് വാ. ഞങ്ങൾ കാത്ത് നിൽക്കാം. ” ഉത്തമേട്ടൻ പറഞ്ഞു.

“അത് വേണ്ട ഉത്തമേട്ടാ. ഇവിടെ വേറെ പ്രശ്നം ഒന്നും ഇപ്പോൾ ഇല്ല. അജുവും മുരുകനും നാളെ അവരെ കൂട്ടിയിട്ട് പോയിക്കോട്ടെ. അമ്മയും അമ്മുവും കാത്ത് ഇരിക്കുന്നുണ്ടാവും. കൂടെ മുരുകന്റെ പെണ്ണും.. . ഉത്തമേട്ടനും രാജുവും ഫാമിൽ പോയിട്ട് കാലൻ മേട്ടിലേക്ക് വന്നാൽ മതി. ഇവരെയും കൊണ്ട് കാലൻ മേട്ടിലേക്ക് ഞാൻ തനിച്ച് പൊയ്ക്കോളും. അവിടെ ടോണിയും പിള്ളാരും കാത്ത് നിൽക്കും. ” ഞാൻ പറഞ്ഞു.