ദൂരെ ഒരാൾ 3 [വേടൻ] 488

:ഇത് ആദ്യമേ പറഞ്ഞായിരുന്നു എങ്കിൽ വെറുതെ എനർജി കളയണ്ടായിരുന്നു.

കിതച്ചുകൊണ്ട് അവൾ ബെഡിന്റെ ഒരറ്റത്തു കിടന്നു

അങ്ങനെ ഞങ്ങൾ ഒരു ധരണയിൽ എത്തി. അവൾ മെല്ലെ തിരിഞ്ഞു കിടക്കുന്നത് എനിക്ക് അനുഭവപ്പെട്ടു.

: എന്തേ ഒറക്കം വരണില്ലേ….?

ഞാൻ ചോദിച്ചു….!

: ഇല്ല നമ്മക്ക് വല്ലതും സംസാരിച്ചു കിടന്നാലോ നന്ദുട്ടാ..

അവൾ ഒരു കൈപൊക്കി തലക്ക് ബലമായി വച്ച് എന്നെ നോക്കി ചോദിച്ചു.

: മം, എന്നാ ഞാൻ ചോദിക്കാം. എന്നോട് ദേഷ്യപ്പെടരുത്…..

ഞാനും അതേപോലെ കിടന്നുകൊണ്ട് ചോദിച്ചു.

: ഏയ്… ഇല്ല നീ ചോദിച്ചോടാ…

: ചേച്ചിയും രാജേഷും തമ്മിൽ പിരിയാൻ എന്താ കാരണം…

ഞാൻ പറഞ്ഞൂ തീർത്തതും പുള്ളി മലർന്ന് കിടന്ന് ഒരു നിശ്വാസം എടുത്ത്.

: കെട്ടികൊണ്ട് ചെല്ലുന്ന പെണ്ണ് ആദ്യ ദിവസം തന്നെ സ്വന്തം കിടപ്പുമുറിയിൽ ഭർത്താവിനേം വേറെ ഒരുത്തിയെയും പിറന്നപടി കാണേണ്ട അവസ്ഥ ഉണ്ടാകുമ്പോൾ……..നിനക്ക് ഊഹിക്കാവുന്നതെ ഉള്ളു.

അവൾ ഒന്ന് നിർത്തിയാണ് അത് പറഞ്ഞത്.

: ചേച്ചിക് വിഷമം ഉണ്ടോ..?

: എന്തിനാടാ.. അന്ന് തന്നെ എന്നെ ദൈവം കാണിച്ചു തന്നതിൽ എനിക്ക് സന്തോഷമേ ഉള്ളു.. ആട്ടെ നിന്റെ കാര്യം എങ്ങനെയാ….

പെട്ടെന്ന് എന്റെ കാര്യം ചോദിച്ചപ്പോ ഞാൻ ഒന്ന് ഞെട്ടി.ഞാൻ ഒന്ന് ചിരിച്ചതെ ഉള്ളു..

:അഹ് പറയെടാ ഞാൻ അല്ലെ.. മൈൻഡ് ഒക്കെ ഒന്ന് ഫ്രഷ് ആകട്ടെ…

ഞാൻ കണ്ണുകൾ മെല്ലെ അടച്ചു. പഴയ ഓർമകളിലേക്ക് ഞാൻ വഴുതി വീഴുകയായിരുന്നു.

:അഞ്ജന, അതായിരുന്നു അവളുടെ പേര്.. അവൾ എനിക്ക് ആരായിരുന്നു എന്നത് എനിക്ക് ഇപ്പോളും അറിയില്ല അമ്മ, ഭാര്യ, ചേച്ചി…. ആരൊക്കയോ ആയിരുന്നു.

: മം അഞ്ജന പേരുക്കൊള്ളാം, എങ്ങനെയാ പ്രണയം തുടങ്ങിയത്…?

അവൾ പതിയെ എണ്ണിറ്റ് ഇരുന്നു ചമ്രം (കാലുകൾക്കു മുകളിൽ കാൽ കയറ്റി ) പടിഞ്ഞു ഇരുന്നു.

: പേരുപോലെ തന്നെയാ അവൾ… എന്നും അഞ്ജനം എഴുതിയ മിഴികൾ കൂവള കണ്ണുകൾ, നീണ്ട മൂക്ക്, ഈ തുണ്ടിപ്പഴം ഇല്ലേ അതിന്റെ നിറം ഉള്ള ചുണ്ടുകൾ. എന്റെ അഞ്ജന. കോളേജിൽ പഠിക്കുമ്പോൾ ആണ് ഞാൻ അവളെ കാണുന്നെ. ഒരു ആൾക്കൂട്ടത്തിന് ഇടക്ക് ഇങ്ങോട്ട് പോകണം എന്ന് അറിയാതെ നിൽക്കുന്ന ഒരു പാവം പെൺകുട്ടി. ആ നോട്ടത്തിനു ഇടക്ക് എന്റെ മേലിൽ ആ കാന്തം വന്ന് പതിച്ചു. ആരൊക്കയോ അവളെ ആ ആൾക്കൂട്ടത്തിന് ഇടക്കുന്നു വിളിച്ചോണ്ട് പോയി അപ്പോളും ആ കണ്ണുകൾ എന്നിൽ ആയിരുന്നു. പിന്നീട് അങ്ങോട്ട് ഞങ്ങളുടെ നാളുകൾ ആയിരുന്നു കോളേജിന്റെ ചുവരുകൾക്കും ക്ലാസ്സ്‌മുറികൾക്കും എന്തിന് ആ കോളേജിനു വരെ ഞങ്ങളുടെ പ്രണയം അറിയാൻ സാധിച്ചു.