ദൂരെ ഒരാൾ 5 [വേടൻ] 470

ഞാൻ പരുങ്ങുന്നത് കണ്ട് ചേച്ചി തുടർന്നു

” എടാ നേരത്തെ അച്ഛന് വയ്യാതെ വന്നപ്പോ അമ്മയും അച്ഛനും കൂടെ എന്നെ അമ്മേടെ ആങ്ങളയുടെ വീട്ടിൽ കൊണ്ടാക്കി.. രണ്ടാളേം പഠിപ്പിക്കാനുള്ള വക ഒന്നും ഇല്ലായിരുന്നു അന്നേരം വീട്ടിൽ ,അങ്ങനെ അവരാ പറഞ്ഞെ അവള് ഇവിടെ നിന്നോട്ടെ എന്ന് കുറച്ചുനാള് കുഴപ്പമൊന്നും ഇല്ലായിരുന്നു പിന്നീട് ഓരോന്ന് പറഞ്ഞു എന്നെ ഉപദ്രവിക്കാൻ തുടങ്ങി.. അച്ഛൻ കാരണമാ അവരുടെ സ്വത്തു നഷ്ടപ്പെട്ടത് എന്നൊക്കെ പറഞ്ഞു. ”

അവൾ ഒന്ന് നിർത്തി കൈതണ്ട കൊണ്ട് കണ്ണുകൾ തുടച്ചു..

” നിനക്ക് വീട്ടിൽ അറിയിച്ചുടായിരുന്നോ ചേച്ചി ”

എന്തോ അങ്ങനെ ചോദിക്കാൻ ആണ് എനിക്ക് തോന്നിയെ

” എന്തിനാ വെറുതെ ആ പാവങ്ങളെ കൂടെ…. നിനക്ക് അറിയുവോ തിരിച്ചു എന്തേലും പറഞ്ഞാ അടിക്കും ചോര വരണത് വരെ. പിന്നെ രണ്ടിസത്തേക്ക് ഒന്നും തരില്ല കഴിക്കാൻ… വിശന്നു… വിശന്നു കരഞ്ഞിട്ടുണ്ട് ഒരുപാട്… ഒരുപാട് കരഞ്ഞിട്ടുണ്ട്…. ആരും കെട്ടില്ല… അല്ല കേട്ടതായി നടിച്ചില്ല… പിന്നെ പിന്നെ അവർ എന്ത് പറഞ്ഞാലും ഞാൻ അങ്ങ് കേൾക്കും.. പേടിച്ചിട്ടല്ല. ജീവൻ നിലനിർത്തണ്ടേ അതാ… ”

ഒരു ചിരിയിലൂടെ തുടങ്ങിയാ സംസാരം ഒരു പൊട്ടി കരച്ചിലിൽ ആണ് അവസാനിച്ചേ.. അവളെ ഞാൻ ചേർത്ത് പിടിച്ചു. എന്റെ നെഞ്ചിൽ കിടന്ന് അവൾ പൊട്ടികരഞ്ഞു..

” ഒരീസം… അയാള് കുടിച്ചിട്ട് വന്നു എന്നെ…എന്നെ കേറി പിടിക്കാൻ നോക്കി… ഞാൻ അലറി കരഞ്ഞു… പക്ഷെ മേമ്മ എന്നെ ഒരുപാട് തല്ലി ഞാൻ കാരണമാണ് ഇങ്ങനെയൊക്കെ ഉണ്ടായേ എന്നൊക്കെ പറഞ്ഞു ഒരുപാട് തല്ലി… അതാ എനിക്കി കള്ളുകുടികണവരെ ഇഷ്ടല്ലത്തെ… നീ കുടിച്ചെന്നു അറിഞ്ഞപ്പോ ഒരുപാട് സങ്കടം ആയി അതാ ഞാൻ അങ്ങനെ ഒക്കെ… പറഞ്ഞെ.. ”

എനിക്ക് ഒന്നും പറയാൻ ഇല്ലായിരുന്നു ഒഴികിവന്ന കണ്ണുനീർ തുടച്ചു അവളെ ഞാൻ എന്റെ നെഞ്ചോട് ചേർത്ത് പിടിച്ചു… ഒരു കുഞ്ഞിനെ എന്നപോലെ അവൾ എന്റെ നെഞ്ചിൽ കിടന്ന് തേങ്ങി .

” ഇനി കുടിക്കുവോ….? “