എൻ്റെ അച്ചു [അഗ്രജൻ] 131

അവിടെ അവരുടെ മക്കൾ എന്നേക്കാൾ ഒരുപാട് വയസ്സിനു മൂത്തവരായിരുന്നതുകൊണ്ടുതന്നെ കളിയ്ക്കാൻ പോയിട്ട് സംസാരിക്കാൻ പോലും കിട്ടുന്നത് അപൂർവമായിരുന്നു.എന്നാൽ അവിടെയും എന്റെ സമപ്രായക്കാരായ കുറെ കുട്ടികൾ എനിക്ക് കൂട്ടായി ഉണ്ടായിരുന്നു.അങ്ങനെ വന്ന ദിവസം നല്ല കുട്ടി ആയി വീട്ടിലിരുന്നു ശേഷം അടുത്ത ദിവസം പതിയെ പുറത്തോട്ടിറങ്ങി.

ചുറ്റും അറിയാവുന്ന വീട്ടുകാർ ആയതുകൊണ്ടും എല്ലാവരും അങ്ങോട്ടുമിങ്ങോട്ടും സ്നേഹത്തിൽ കഴിയുന്നവരായതുകൊണ്ടും എവിടെയും പോവരുത് എന്നൊന്നും വിലക്കുണ്ടായിരുന്നില്ല.സ്ഥിരം  കളിസ്ഥലമായ ബിനുവിന്റെ വീട്ടിലേക്കാണ് ഞാൻ നേരെ പോയത്.എന്റെ കണക്കുകൂട്ടൽ പോലെ എല്ലാവരും അവിടെ ഉണ്ടായിരുന്നു.നാട്ടിൽ ക്രിക്കറ്റും ഫുട്ബോളും ആയിരുന്നു കാളി എങ്കിൽ ഇവിടെ ചെറിയൊരു വ്യത്യാസമുണ്ട്.

ഇവിടെ അധികവും പെൺകുട്ടികൾ ആയതുകൊണ്ടുതന്നെ അവർക്കുകൂടി പറ്റുന്ന കളികൾ ആയിരുന്നു കാര്യമായും ഉണ്ടായിരുന്നത്.ബിനു അവന്റെ അനിയത്തി സാന്ദ്ര.ഹരിത അവളുടെ അനിയത്തി ആതിര ഇതായിരുന്നു പ്രധാന കൂട്ടുകെട്ട്.പിന്നെ കുറെ വാളുകൾ വേറെയും ഉണ്ടാവാറുണ്ട്.

എന്നാൽ ഇപ്രാവശ്യം പരിചയമില്ലാത്ത രണ്ടു മുഖങ്ങൾ അതിൽ ഉണ്ടായിരുന്നു,അതുകൊണ്ടുതന്നെ എനിക്കും ഒരു ചമ്മലോ എന്തൊക്കെയോ ഉണ്ടായിരുന്നു.എന്നാൽ എന്നെ കണ്ടതും അവർ നാലുപേരും ഓടിവന്ന് സംസാരിക്കലും കൂട്ടികൊണ്ടുപോയി പുതിയ ആളുകളെ പരിചയപെടുത്താലും എല്ലാം ആയി.അന്നാണ് ഈ കഥയിലെ നായികയെ ഞാൻ ആദ്യമായി കാണുന്നതും മിണ്ടുന്നതും.