എന്റെ ഡോക്ടറൂട്ടി 10 [അർജ്ജുൻ ദേവ്] 5953

മീനാക്ഷിയെങ്ങനേലും മൊടക്കോന്നും പ്രതീക്ഷിച്ചിരുന്നാൽ ചെലപ്പോ അവളെന്റെ തലേലായ്പ്പോവുമോന്ന പേടിയിലായ്രുന്നു പെട്ടെന്നു ഞാനങ്ങനെ പറഞ്ഞത്…

“”…കോളേജിലെക്സാം നടക്കുന്നേന് നെനക്കെന്താ..?? ഹൊ.! അല്ലേപ്പിന്നങ്ങ്…”””_ പറയാൻതുടങ്ങിയ വാക്കുകൾമുറിച്ചുകൊണ്ട് അച്ഛൻനിർത്തിയതും ഞാൻ വായ്ക്കുഷട്ടറിട്ടുകൊണ്ട് മീനാക്ഷിയെനോക്കി…

…എന്നെക്കൊണ്ടിത്രേക്കേ പറ്റൂ… ഇനി നിനക്കെന്തേലും കാട്ടാമ്പറ്റോങ്കി നീ കാട്ടെന്ന മട്ടിലായ്രുന്നു എന്റെയാനോട്ടം…

“”…അപ്പൊ താനെന്താപറയുന്നേ..?? അടുത്താഴ്ചതന്നെ കല്യാണം നടത്തണോന്നാണോ..??”””_ അവൾടച്ഛനൊരു ക്ലാരിഫിക്കേനെന്നോണം എന്റെ തന്തയെനോക്കി ചോദ്യമിട്ടു…

…അടിപൊളി.! നല്ലാളോടാ ചോദിച്ചേ, അയാള് മുള്ളാമ്മുട്ടി നിയ്ക്കുമ്പോലാ കെട്ടിയ്ക്കാൻ മുട്ടിനിയ്ക്കുന്നേ… ആ അങ്ങോരോടഭിപ്രായം ചോദിയ്ക്കാൻ ഇയാക്കെന്താ..??

ഞാനതു മനസ്സിൽപറയുമ്പോഴേയ്ക്കും പുള്ളി അയാൾക്കുള്ള മറുപടിപറഞ്ഞു;

“”…എന്റഭിപ്രായത്തിൽ പെട്ടെന്നു കെട്ടിയ്ക്കണോന്നു തന്നെയാ… പിന്നെല്ലാം നിങ്ങടെയിഷ്ടം.. എന്തായാലുമൊരുപാട് താമസിപ്പിയ്ക്കരുത്..!!”””

“”…എന്നാൽ ഡോക്ടറ്പറഞ്ഞപോലെ നമുക്കിതെത്രേമ്പെട്ടെന്നങ്ങ് നടത്താം ചേട്ടാ… താമസിച്ചാ കുടുംബത്തിനുതന്നാ ചീത്തപ്പേര്..!!”””_ അച്ഛന്റെവാക്കുകേട്ട് രേവുആന്റിയും പുള്ളിയെ സപ്പോർട്ടുചെയ്തപ്പോൾ കുറച്ചുനേരമാലോചിച്ചശേഷം അവൾടതന്തയും തലകുലുക്കി…

അതുകണ്ടെന്റെ നെഞ്ചിലൊരു വെള്ളിടിവെട്ടുമ്പോഴും മീനാക്ഷി നിന്നിടത്തേയ്ക്കൊന്നു പാളിനോക്കി…