എന്റെ ഡോക്ടറൂട്ടി 12 [അർജ്ജുൻ ദേവ്] 6176

“”…അതേ… നിന്റെ ഡ്രെസ്സാണാ ബെഡ്ഡേൽ വെച്ചേക്കുന്നേ… അതങ്ങിട്ടേച്ചു പോന്നേക്കണേ…!!”””_ പറഞ്ഞുകൊണ്ടവൾ പുറത്തേയ്ക്കിറങ്ങിയതും ബെഡിൽവെച്ചിരുന്ന ഡ്രെസ്സെടുത്തു ഞാൻനോക്കി…

അവളിട്ടിരുന്ന അതേ മോഡൽ ഡ്രെസ്സ്…

സ്കൈബ്ളൂ ജീൻസും ബ്ലാക്ക് ടീഷർട്ടും അതിനൊപ്പമൊരു ജാക്കറ്റും…

…ഇവൾക്കിത് ചെറിയ അസുഖോന്നുവല്ലല്ലോ ദൈവമേ… എന്നെയിങ്ങനൊക്കെ കെട്ടിയിറക്കാന്ന് ഇവളാർക്കേലും നേർന്നിട്ടുണ്ടോ..??

ആ ഡ്രെസ്സെടുത്തു ധരിയ്ക്കുന്നതിനിടയിൽ ഞാൻ വെറുതെയെങ്കിലുമൊന്നു ചിന്തിച്ചു…

“”…ആഹാ… കളറായിട്ടൊണ്ടല്ലോ..!!”””- ഡ്രെസ്സുംമാറി ലിവിങ്റൂമിലേയ്ക്കു ചെന്നപ്പോൾ അവിടെ ഷൂസും വലിച്ചുകേറ്റിക്കൊണ്ടിരുന്ന സാധനമെന്നെ നോക്കി അഭിപ്രായമറിയിച്ചു…

“”…എന്റെ പാഴേ… നീയൊരു കാര്യമാലോയിയ്ക്കണം… നീയൊരു ഡോക്ടറാണ്…. അപ്പൊ അതിന്റേതായ ഡ്രെസ്സ്കോഡ് വേണം മെയിന്റെയ്ൻ ചെയ്യാൻ… ഇതിപ്പോ കൊറേ കോമാളി വേഷങ്ങള്..!!”””_ അവളെ മൊത്തത്തിലൊന്നു ചുഴിഞ്ഞുനോക്കി ഞാനഭിപ്രായം പറഞ്ഞു…

“”…ഞാനെന്തു ഡ്രെസ്സിടണോന്നു ഡിസൈഡു ചെയ്യുന്നത് ഞാനല്ലേ… അതിപ്പോ ഡോക്ടറായ്പ്പോയെന്നുവെച്ച് ഇഷ്ടങ്ങളു മാറ്റാമ്പോറ്റോ..??”””

“”…നീ മാറ്റണ്ടടീ മാറ്റണ്ട… നീയിങ്ങനോരോ കോമാളി വേഷോങ്കെട്ടി നടന്നോ… പക്ഷേങ്കില് നീയെന്തോത്തിനാ കൂടെ കൊടീമ്പിടിച്ച് എന്നെ നടത്തുന്നേന്നാ…??”””

“”…അതുപിന്നെ… അതുപിന്നെ നമ്മളു തമ്മി ഭയങ്കരിഷ്ടോണെന്ന് എല്ലാരുങ്കരുതിക്കോട്ടേ കുട്ടൂസേ..!!”””_ അവളു കുനിഞ്ഞിരുന്ന് ലെയ്സു കെട്ടുന്നതിനിടയിൽ പറഞ്ഞു…