എന്റെ ഡോക്ടറൂട്ടി 21 [അർജ്ജുൻ ദേവ്] 6344

“”…മൂന്നാറുപോകുവാന്നും പറഞ്ഞ് കോളേജുഗ്രൂപ്പിൽ കുറേതള്ളീതാ…

ഇനിയിപ്പോളൊരു ഫോട്ടോപോലുമെടുക്കാണ്ട് ചെന്നാലവരെന്നെ നിലത്തുനിർത്തൂലാ… അതോണ്ടാ ഇന്നിവിടെ നിയ്ക്കാന്നു ഞാങ്കരുതീത്… പിന്നെ നിനക്കു പോയേപറ്റുള്ളൂന്നാണേൽ പകലിവിടൊക്കെക്കറങ്ങി കൊറേ ഫോട്ടോയുമെടുത്തേച്ചു വൈകിട്ട്പോകാം..!!”””_ അവൾടെ വർത്താനംകേട്ടപ്പോൾ മൊത്തത്തോടെ വിറഞ്ഞുവന്നെങ്കിലും വൈകിട്ടുപോകാമെന്നു പറഞ്ഞതുകൊണ്ടുമാത്രം ഞാനെതിരൊന്നും പറഞ്ഞില്ല…

“”…അല്ലാ… നെനക്കീ ജീപ്പും കോപ്പുമൊക്കെ ഓടിയ്ക്കാനറിയാവോ..?? അതോ നാല് കാറുണ്ടെന്നു തള്ളിയമാതിരി തള്ളീതാണോ..??”””_ മേത്തുവന്നുവീണ ഡ്രസ്സ്‌ ബെഡ്ഡിലേയ്ക്കുമാറ്റി ഞാനവളെയൊന്നു ചുഴിഞ്ഞുനോക്കി…

“”…അത്… അ… അറിയാം..!!”””_ ചോദ്യംകേട്ടതും ഒന്നുപരുങ്ങിയ മീനാക്ഷി പെട്ടെന്നേതോ തുണിയൊക്കെപ്പെറുക്കി ബാത്ത്റൂമിലേയ്ക്കു വെച്ചുവിട്ടു…

അതുകണ്ടതും,

“”…എന്നാലുമിങ്ങനെ നട്ടാൽകുരുക്കാത്ത നുണപറയാനെങ്ങനെ സാധിയ്ക്കുന്നോ ആവോ..?? തൊലിക്കട്ടിതന്നെ..!!”””_ ഞാനിരുന്നു മുറുമുറുത്തു…

ശേഷം;

“”…അല്ല… ആ കൊലത്തീറ്റയ്ക്കിടയിൽ ഇമ്മാതിരിതള്ള് തള്ളാനൊക്കെ നിന്റെ വായൊഴിഞ്ഞായ്രുന്നോ..??”””_ എന്നുചോദിയ്ക്കാനും മറന്നില്ല…

അതിനെന്നെ തിരിഞ്ഞോന്നുനോക്കി മീനാക്ഷി ബാത്ത്റൂമിലേയ്ക്കു കേറി…

എന്തായാലും വെള്ളത്തില് വീണു… പിന്നെ കുളിച്ചേക്കാമെന്നമട്ടിൽ ഞാനാ ഡ്രസ്സുമെടുത്തിട്ട് കണ്ണാടിയിൽനോക്കി മുടിചീകുമ്പോൾ മീനാക്ഷി പുറത്തുവന്നു…