എന്റെ ഡോക്ടറൂട്ടി 27 [അർജ്ജുൻ ദേവ്] 3186

അവൾ കുഞ്ഞുകിടക്കുന്ന തൊട്ടിലിനരികിൽ കട്ടിലിലിരിയ്ക്കുവാണ്…

ഉടനെ ഞാനുമടുത്തേയ്ക്കുചെന്ന് അവൾക്കരികിലായിരുന്നു…

“”…ദേ… ഇവടെവന്നിരിയ്ക്കുന്നതൊക്കെ കൊള്ളാം… ഓരോന്നുപറഞ്ഞ് കുഞ്ഞിനെയൊണത്തിയാൽ എന്റെവിധമ്മാറും..!!”””_ ഞാനങ്ങോട്ടേയ്ക്കു ചെന്നത് അത്രസുഖിയ്ക്കാത്ത മട്ടിൽ മീനാക്ഷിപറഞ്ഞു…

“”…പിന്നേ… നിന്റെ വിധമ്മാറിയാലെനിയ്ക്ക് ഓണമ്മന്നപോലെയാ… ഒന്നുപോടീ..!!”””_ അവളെയൊന്നു പുച്ഛിച്ചശേഷം തൊട്ടിലിലേയ്ക്കു കൈനീട്ടി തക്കുടൂനെ തൊടാൻനോക്കീതും,
മീനാക്ഷിയെന്റെ കൈയ്ക്കിട്ടൊന്നുതന്നു…

“”…ചുമ്മാതിരിയ്ക്കെടാ… നിനക്കെന്തിന്റെ കേടാ..?? അതിനെത്തൊട്ടിനി
എഴുന്നേൽപ്പിച്ചാലേ സമാധാനമാകൂള്ളോ..??”””

“”…ഒന്നുപോടീ…
ഇത്രേംജാഡയിടാൻ
ഇതുനിന്റെ കുഞ്ഞൊന്നുമല്ലല്ലോ… ഞാൻതൊടും..!!”””_ വീണ്ടും വാശിയോടെ കുഞ്ഞിനുനേരേ കൈനീട്ടിയതും,

“”…നീയങ്ങനിവനെ തൊടണ്ട… കുഞ്ഞിനെ നോക്കിക്കോളാൻ ചേച്ചിയെന്നെയാ ഏൽപ്പിച്ചേക്കണേ..!!”””_ പറഞ്ഞുകൊണ്ട് തൊട്ടിലിൽക്കിടന്ന തക്കുടൂനെ വാരിയെടുത്തവൾ പുറത്തേയ്ക്കൊറ്റ നടത്തം…

“”…അതെന്താടീ അങ്ങനൊരു പറച്ചില്..?? എനിയ്ക്കും തൊടണം… താടീ..!!”””_ പിന്നാലേചെന്ന് കുഞ്ഞിനെത്തൊടാനാഞ്ഞുകൊണ്ട് ഞാനതുപറഞ്ഞതും അവളതിനേം താങ്ങിപ്പിടിച്ചോണ്ട് ഹോളിലേയ്ക്കൊറ്റ ഓട്ടമായ്രുന്നു…

“”…എടീ… കൊച്ചിനെത്താടീ… ഇല്ലേലെന്റെ സ്വഭാവംമാറൂട്ടോ..!!”””

“”…മാറിക്കോട്ടേ… അതിനെനിയ്ക്കെന്താ..??”””_ ന്നുംമൊഴിഞ്ഞു വെട്ടിത്തിരിഞ്ഞതും സ്വിച്ചിട്ടപോലൊരു നിലവിളിയായ്രുന്നൂ തക്കുടു…