എന്റെ ഡോക്ടറൂട്ടി 27 [അർജ്ജുൻ ദേവ്] 3186

“”…എടാ… അതിനു ഞാനെന്തുചെയ്തൂന്നാ നീയീ പറേണേ..??”””

“”…ആ.! നീയൊന്നും ചെയ്തില്ല, അതുതന്നെയാ ഞാമ്പറയണേ… നെനക്കാ പിറ്റേന്നുതന്നങ്ങു
തിരിച്ചു പൊയ്ക്കൂടായ്രുന്നോ..?? എന്നാലങ്ങേര് നിന്റെക്ലാസ്സെന്നും കോപ്പെന്നുമ്പറഞ്ഞിങ്ങോട്ടു വിളിയ്ക്കൂലായ്രുന്നല്ലോ..!!”””

“”…അതിനു ഞാനും നിന്റൊപ്പം നിൽക്കുവല്ലായ്രുന്നോ..??”””

“”…അതേ… അതോണ്ടാണല്ലോ
ഇപ്പൊ ഞാനൂടെ ചെല്ലേണ്ടിവന്നത്… അല്ലേലും സ്വസ്ഥമായൊരിടത്തു തങ്ങാൻ ആ നായിന്റെമോൻ സമ്മതിയ്ക്കൂല… ഇനിയങ്ങുചെന്നാലോ അപ്പൊത്തുടങ്ങും അയാൾടെ മറ്റേടത്തെ കൊണവതിയാരം..!!”””_ സത്യത്തിലന്നേരംവല്ലതും
പുള്ളിയെന്റെ കണ്ണിന്മുന്നിൽ വന്നുപെട്ടിരുന്നേൽ
ഇടിച്ചുറക്കിയേനെ ഞാൻ…

“”…എടാ… നമുക്കെന്നാ പോകാണ്ടിരുന്നാപ്പോരേ..??”””

“”…ഉവ്വ.! എന്നിട്ടുവേണം പന്തോം കൊളുത്തിപ്പിടിച്ചോണ്ട് അയാളിങ്ങോട്ടുവരാൻ… അവന്റെയൊക്കെ കാലുവീണാമതി, ഇടുക്കിയൊക്കെ നിന്നുകത്തും.!

…ആഹ്.! എന്തായാലുമിറങ്ങാൻ റെഡിയായ്ക്കോ… എന്നിട്ടുനേരേയാ ജെയ്ലിലേയ്ക്കുവിട്ടോ..!!”””_ കൈകൊണ്ടു
മുഖമൊന്നുതുടച്ചശേഷം
പറഞ്ഞതും,

“”…അപ്പൊ നീവരുന്നില്ലേ..??”””_ ന്നൊരു ചോദ്യമായ്രുന്നൂ മീനാക്ഷി…

“”…ഞാനേ… ഞാൻ വരാത്തതാ നല്ലത്… എന്തിനാ നാട്ടുകാരെക്കൊണ്ട് തന്തേക്കൊല്ലീന്നു വിളിപ്പിയ്ക്കുന്നേ… അതോണ്ട് ഞാനെങ്ങോട്ടേലും പൊക്കോളാം..!!”””

“”…എന്നാ ഞാനും നിന്റൊപ്പംവരണു..!!”””_ ഒന്നുചിന്തിച്ചശേഷം
അവളുപറഞ്ഞതും,

“”…നെനക്കെന്താ പനിയ്ക്കുന്നുണ്ടോ..??
അല്ല, എന്റെയാവിതന്നെ കൊണ്ടേക്കാമെന്നു നേർച്ചയുള്ളതുപോലെ…
എടീമറ്റവളേ, ഒന്നാതേ ഞാൻ പിടിവിട്ടുനിൽക്കുവാ…
ഈനേരത്തു നീ നിന്റെ മറ്റേത്തരോം കാണിച്ചോണ്ടുവന്നാൽ ഞാനെന്താചെയ്കേന്ന് എനിയ്ക്കുതന്നെ അറിയൂല..!!”””_ നിന്നുചാടിക്കൊണ്ടത്രയും പറഞ്ഞതും പിന്നിലൊരു കാൽപ്പെരുമാറ്റംകേട്ടു…