എന്റെ ഡോക്ടറൂട്ടി 04 [അർജ്ജുൻ ദേവ്] 8131

“”…ഓഹോ.! അപ്പൊ മുടിഞ്ഞ പെണക്കാണല്ലേ..??”””_ അവളുടെ സ്വരമുയർന്നതിനൊപ്പം, അടുത്ത ഫ്ലാറ്റുകളിൽനിന്നും ജനാലയിലൂടെ അരിച്ചുകയറിയ പ്രകാശത്തിൽ കമിഴ്ന്നു കിടന്നുകൊണ്ട് തലയുയർത്തിയെന്നെ നോക്കുന്ന മീനാക്ഷിയുടെനിഴലും എനിയ്ക്കുവ്യക്തമായി കാണാമായിരുന്നു…

“”…ആ.! പെണക്കന്തന്നാ… അതിനിപ്പാർക്കാ നഷ്ടം..??”””

“”…ആർക്കുമൊരു നഷ്ടോമില്ല… പിന്നിത്രേക്ക ഡിമാൻഡായ സ്ഥിതിയ്ക്ക് ഞാനുറങ്ങുമ്പോളെന്റെ അമ്മിഞ്ഞേപ്പിടിയ്ക്കാൻ വാട്ടാ… അപ്പൊ കാണിച്ചുതരാം..!!”””_ പറഞ്ഞതും അവള് വാശിതീർക്കുംപോലെ തിരിഞ്ഞുകിടന്ന് എന്റെ മേത്തുകിടന്ന ബ്ലാങ്കെറ്റുകൂടി വലിച്ചെടുത്തുമൂടി…

മറ്റേ തൊമ്മനുംമക്കളിലെ രാജാക്കണ്ണ് പറയുമ്പോലെ, അതെനിക്കിഷ്ടായില്ല…

ഞാൻ തിരിഞ്ഞു കിടന്നവളെ ചവിട്ടിത്തള്ളിക്കൊണ്ട് ബ്ലാങ്കെറ്റ് വലിച്ചെടുത്ത്, കിടന്നകിടപ്പിൽ രണ്ടുമൂന്നു ചുറ്റുതിരിഞ്ഞു…..

പ്രസവശേഷം നേഴ്സുമാര് കുഞ്ഞിനെ വെള്ളകോട്ടനിൽ പൊതിഞ്ഞോണ്ടു വരുമ്പോലെ മുഖംമാത്രം പുറത്തു വരത്തക്കവിധത്തിൽ ചുറ്റിപൊതിഞ്ഞ് ഞാൻ മിണ്ടാതെകിടന്നു…

തൊഴികിട്ടി രണ്ടുമലക്കം മറിഞ്ഞ ഡോക്ടറൂട്ടി ചാടിയെഴുന്നേറ്റ് ലൈറ്റിട്ടപ്പോൾ പണി വരുന്നുണ്ടവറാച്ചാന്ന് മനസ്സുപറഞ്ഞെങ്കിലും ഞാനനങ്ങീല…

“”…വിടാട്ടാ… നിന്നെയിപ്പൊത്തന്നെ ചന്ദ്രനിലേയ്ക്ക് വിടാമേ..!!”””_ വെള്ളബ്ലാങ്കെറ്റും വരിഞ്ഞുമുറുക്കി ബഹിരാകാശ സഞ്ചാരികളെപ്പോലെ കിടന്നയെന്നെനോക്കി പറഞ്ഞിട്ടാനാറി ടീഷേർട്ടിന്റെസ്ലീവ് മുകളിലേയ്ക്കുയർത്തുന്നതു കണ്ടതും എന്റെ ചങ്കിടിയ്ക്കാൻതുടങ്ങി…