എന്റെ ഡോക്ടറൂട്ടി 06 [അർജ്ജുൻ ദേവ്] 6354

എന്തൊക്കെയായാലും എന്റപ്പോഴ്ത്തെ ഫീലോടികൂടിയ ഡയലോഗും മീനാക്ഷിയുടെ സ്വഭാവവുമൊക്കെ തട്ടിച്ചുനോക്കിയപ്പോൾ സംഗതിയിലെന്തോ കാര്യമുണ്ടെന്ന് അവർക്കും തോന്നിയിട്ടുണ്ടാവണം…

ഇനി തോന്നിയില്ലേലും നമുക്കെന്ത്..??

ഇങ്ങോട്ടുകിട്ടിയത് തിരിച്ചുകൊടുത്തല്ലോ… നമ്മക്കതുമതി…

അന്നേരമത്രയുമവള് എന്തുപറയണമെന്നറിയാതെ വല്ലാത്തൊരു ഭാവത്തിലെന്നെ നോക്കി നിൽക്കുവായിരുന്നു…

ഒന്നൊതുക്കത്തിൽ കിട്ടിയിരുന്നേൽ അവളെന്നെ ഉറപ്പായും കടിച്ചുതുപ്പിയേനെ…

അത്രയ്ക്കു കലിപ്പുണ്ടെന്നോടെന്ന് ഉറപ്പാണല്ലോ…

ദേഷ്യവും നിസ്സഹായതയുംകൊണ്ട് ഒരുകൂട്ടത്തിന്റെമുന്നിൽ മിണ്ടാട്ടംമുട്ടിപ്പോണ അവസ്ഥയെന്താണെന്നുള്ള തിരിച്ചറിവ് പകർന്നുകൊടുത്ത ചാരിതാർത്ഥ്യത്തോടെ
ഞാനവളുടെ ചെവിയോട് ചുണ്ടുചേർത്തുകൊണ്ട് രഹസ്യമെന്നോണം പറഞ്ഞു;

“”…നീ നിന്റെ കോളേജിന്റെമുന്നിലിട്ട് നിന്റെ ഫ്രണ്ട്സൊക്കെ നോക്കിനിൽക്കേ എന്നെ ഞോണ്ടിക്കളിച്ചു… ഞാൻ നിന്റെകോളേജിക്കേറി നിന്റെകോളേജിലുള്ളോരു മുഴുവൻ നോക്കിനിൽക്കേ അതെല്ലാം തിരിച്ചുംവെച്ചു… ഇപ്പോളെന്റെ വില്ലത്തിക്കുട്ടീടെ നെഞ്ചിലെയാ കല്ലങ്ങോട്ടിറങ്ങിയെന്നു കരുതിക്കോട്ടേ..?? ബാക്കിനാളെ… ഇനി കഥമുഴുവൻ നിനക്കിട്ടുള്ളപണിയാ മോളേ… നല്ലസ്സല് പണി… നിന്നെക്കൊണ്ടാ നടുറോഡിൽ ക്ഷ… ത്ര… ഞ്ഞ… മ്മ… യൊക്കെ മൂക്കോണ്ടെഴുതിപ്പിയ്ക്കും… ഇനി മൂക്കോണ്ടുപറ്റീലേൽ നിന്റെയീ വീർത്തുതള്ളിയ കുണ്ടികൊണ്ടേലും എഴുതിച്ചിട്ടേ ഞാനടങ്ങൂ… എന്നാശെരി..!!”””_ മീനാക്ഷിയുടെ മുഖത്തുനോക്കി
മാസ്സ് ഡയലോഗൊക്കെയടിച്ച് തിരിച്ചുനടക്കുമ്പോൾ നെഞ്ചത്തുപൊട്ടാൻ കാത്തിരുന്ന ബോംബ് ചീറ്റിപ്പോയൊരു സമാധാനമായ്രുന്നെനിയ്ക്ക്…