എന്റെ ഡോക്ടറൂട്ടി 07 [അർജ്ജുൻ ദേവ്] 7312

പിന്നെ തിരിഞ്ഞുപോലും നോക്കാതെ കാറുമെടുത്ത് പറഞ്ഞ ജംഗ്ഷനിലേയ്ക്കു വെച്ചുവിട്ടു…

…കോപ്പ്.! ഒന്നും വേണ്ടിയിരുന്നില്ല… വെറും തീട്ടക്കേസായ്ട്ടു ചവിട്ടിക്കളയേണ്ടതിനൊക്കെ ചാടിപ്പിടിച്ചിട്ടിപ്പോൾ…

ഞാൻ സ്വയംപഴിച്ചുകൊണ്ട് മീനാക്ഷിയുടെ മുഖമോർത്തു…

ഒരറ്റാക്കുവരാൻ എനിയ്ക്കതിൽകൂടുതലൊന്നും വേണ്ടായ്രുന്നു…

അത്രയ്ക്കുണ്ടെന്റെ ഉള്ളിലെപേടി…

കണ്ടതുംകേട്ടതുംവെച്ചുള്ള അവൾടെ സ്വഭാവമനുസരിച്ച് ഉറപ്പായും പണിയവള് തരും…

പറഞ്ഞതിനു തിരിച്ചു മറുപടി കൊടുത്തതാണെങ്കിൽപോലും അങ്ങനെയൊക്കെ പറഞ്ഞാലാരും റിയാക്ട് ചെയ്യാതിരിയ്ക്കില്ല…

അപ്പോൾ മീനാക്ഷി കൂടിയാവുമ്പോൾ..??

എന്നാലും കറക്റ്റ് സമയത്തുതന്നവളോടു പോയുടക്കാൻ തോന്നിയല്ലോന്നാണ്….

എനിയ്ക്കിതൊക്കെ എങ്ങനെ സാധിയ്ക്കുന്നോ ആവോ..??

അവളിനി എന്നെ കണ്ടുടനേ വന്നുതല്ലുവോ..?? അതോ ഞാമ്പറഞ്ഞ തെറിയൊക്കെ തിരിച്ചുപറയോ..??

…ഈശ്വരാ.! അങ്ങനെ പറയുവാണേൽ അവൾടെ കൂട്ടുകാരികളൊക്കെ കൂടെക്കാണില്ലേ, അവരൊക്കെ കേൾക്കില്ലേ..?? വീണ്ടുംവീണ്ടും പെണ്ണുങ്ങടെമുന്നിൽ നാണങ്കെടാനാണല്ലോ വിധി…

അന്നേരമെങ്ങാനും എന്റെ തലവരയെഴുതിയവനെ കയ്യിൽകിട്ടണമായ്രുന്നൂ, പേനേം പിടിച്ചുപറിച്ച് ദൂരെയെറിഞ്ഞ് കൈയും ഞാൻ ചവിട്ടിയൊടിച്ചേനെ…

മീനാക്ഷിവരുമ്പഴേ ഓടിച്ചെന്നു കാലിൽവീണു കരഞ്ഞുനോക്കിയാലോ..??_ ചിന്തവീണ്ടും മീനാക്ഷിയിലേയ്ക്കു തിരിഞ്ഞു…

…വേണ്ട.! ഇന്നലത്രേം വല്യ ഡയലോഗൊക്കെയടിച്ചിട്ട് ഇന്നു ചെന്നുകാലേ വീണാലവള് ചിലപ്പോൾ മോന്തേലോട്ടു തുപ്പിത്തരും.!