എന്റെ ഡോക്ടറൂട്ടി 07 [അർജ്ജുൻ ദേവ്] 7296

ഇപ്പൊത്തന്നെ എന്തോ ഭാഗ്യത്തിനാണ് ആരോടുമൊന്നും മിണ്ടാതെനടക്കുന്നേ…

“”…അതേ… ഹീറോ..!!”””_ അവളെയും മറികടന്ന് പന്തലിലേയ്ക്കു നടക്കാൻതുനിയവേ അവളെന്നെ പിന്നിൽനിന്നുവിളിച്ച് അടുത്തേയ്ക്കുവന്നു…

“”…മ്മ്മ്..?? എന്തേ..??”””_ തിരിഞ്ഞതും അടുത്തെത്തിയ മീനാക്ഷിയെനോക്കി ഞാൻ ചോദിച്ചപ്പോൾ അവൾചുറ്റുമൊന്നു കണ്ണോടിച്ചശേഷമെന്റെ കയ്യിൽപിടിച്ചു…

“”…എനിയ്ക്കും തലേലുവെയ്ക്കാൻ പൂവേണം..!!”””_ കുഞ്ഞുങ്ങള് കാര്യംസാധിയ്ക്കാനായി കൊഞ്ചുമ്പോലെ കൊഞ്ചിക്കൊണ്ട് അവളെന്റെ വിരല് തിരിയ്ക്കുവേം മറിയ്ക്കുവേമൊക്കെ ചെയ്തു…

“”…പോയി മേടിച്ചോ… ആരുപറഞ്ഞൂ വേണ്ടാന്ന്..!!”””

“”…എന്നാപ്പോയി മേടിച്ചോണ്ടുവാ..!!”””

“”…ഞാനാരാ നിന്റെതന്തയോ, നീ ഓർഡറിടുമ്പഴേ അങ്ങനുസരിക്കാൻ..?? വേണേപ്പോയി മേടിയ്ക്കടീ… അല്ലേലവള് മുഴുവൻവെച്ചില്ലേൽ അവളോടുപോയി ചോദിയ്ക്ക്..!!”””

“”…എനിയ്ക്കതു വേണ്ട… എനിയ്ക്കുവേറെ വാങ്ങിത്തന്നാമതി..!!”””_ ഞാനൊഴുക്കൻ മട്ടിൽ പറഞ്ഞതിഷ്ടമാകാതെ കെർവിച്ചുകൊണ്ട് അവളെന്റെ നടുവിരൽപിടിച്ചു വിലങ്ങനെതിരിച്ചു…

ഞാനലറിക്കൊണ്ടവളുടെ കൈകുടഞ്ഞു തെറിപ്പിച്ചിട്ടവളെ തുറിച്ചുനോക്കീതും,

“”…നിയ്ക്കു മുല്ലപ്പൂ മേടിച്ചുതാ..!!”””_ അവൾ കുണുങ്ങി ചാടിക്കൊണ്ടടുത്തേയ്ക്കു വന്നു…

“”…പോയി നിന്റച്ഛനോടുപറേടീ പുല്ലേ..!!”””_ അവളോടു ചീറിയശേഷം പുറത്തേയ്ക്കിറങ്ങാനൊരുങ്ങീതും എന്റെ വഴിതടഞ്ഞുകൊണ്ട് മീനാക്ഷി വിലങ്ങനെ വന്നുനിന്നു…

“”…അതേ… കല്യാണപ്പെണ്ണ് മുല്ലപ്പൂവൊക്കെ ചൂടി സുന്ദരിയായ്ട്ടിറങ്ങി വരുമ്പോൾ അവള്ടെ നാത്തൂൻ പൂവൊന്നുംവെയ്ക്കാതെ നിയ്ക്കുന്നതുമോശമല്ലേ..?? അതോണ്ടെനിയ്ക്കൂടി കുറച്ചു പൂമേടിച്ചോണ്ട് തന്നൂടേ..??”””