എന്റെ ഡോക്ടറൂട്ടി 09 [അർജ്ജുൻ ദേവ്] 6119

“”…എന്താ ഞാമ്പറഞ്ഞത് സത്യവല്ലേ..?? നമ്മള്തമ്മീ പ്രേമമല്ലേ..?? നമ്മളെ രണ്ടുംകൂടിയിന്നലെ ഹോസ്റ്റലീന്നു പിടിച്ചില്ലേ..?? ഇല്ലേ..?? ഇല്ലെങ്കിപ്പറ..!!”””

“”…പ്രേമവോ..?? നിന്നോടോ..?? നീ പറഞ്ഞു പറഞ്ഞെങ്ങോട്ടാടീ കേറുന്നേ..?? ഇറങ്ങ്… മര്യാദയ്ക്കിറങ്ങിയ്‌ക്കോ… ഇല്ലേ കഴുത്തിന്പിടിച്ചു പുറത്തുതള്ളും ഞാൻ..!!”””_ ഞാനിരച്ചുകയറിയ കലിപ്പിൽ അടുത്തച്ഛനുമമ്മയും നിൽക്കുന്നതൊക്കെ മറന്നു…

എന്റെമുഖഭാവം കണ്ടതും അവൾ കത്തുന്നകണ്ണുകളോടെ എന്നെ ദഹിപ്പിയ്ക്കാനുറച്ചൊരു നോട്ടംനോക്കി…

“”…ഇവള് പറയുന്ന സത്യാണോടാ..?? നിങ്ങള് തമ്മിലിഷ്ടത്തിലാണോ..?? നീയിവളുടെ ഹോസ്റ്റലിൽ പോയിരുന്നോ..??”””_ തന്തപ്പടി കുറച്ചുകലിപ്പിലെന്റെ മുന്നിലേയ്ക്കുനിന്നു ചോദിച്ചപ്പോൾ ആദ്യമൊന്നുത്തരം മുട്ടിയെങ്കിലും അതുപരമാവധി അടക്കിപിടിച്ചുകൊണ്ട് ഞാൻ നിഷേധാത്മകമായി തലയാട്ടി…

“”…ഞങ്ങളു തമ്മിലൊരു കോപ്പുമില്ല… ഞാനിവൾടെ ഹോസ്റ്റലിലോട്ട് പോയിട്ടുമില്ല… ഇവളീ പറയുന്നേക്കെ നൊണയാ..!!”””_ ഒന്നുനിർത്തിയിട്ട് ഞാൻ മീനാക്ഷിയുടെനേരേ തിരിഞ്ഞു;

“”…വല്ലവന്റേം തോളേൽചെന്നുകേറി അവൻ പള്ളവീർപ്പിച്ചെങ്കി അങ്ങോട്ടുപൊക്കോണം… അല്ലാണ്ട് കണ്ടവിഴുപ്പൊന്നും എന്റെതോളേ വെയ്ക്കാന്നോക്കിയാ മൂക്കിമ്മേൽ പഞ്ഞിതിരുകും ഞാൻ..!!”””_ സ്വന്തംഭാഗം ന്യായീകരിയ്ക്കാനായി വായിൽവന്നതു മുഴുവൻ തിരിച്ചുപറഞ്ഞതും ഞങ്ങടെനടുക്കായിനിന്ന അച്ഛനെ തള്ളിമാറ്റിക്കൊണ്ടവൾ എന്റെനേരേ ചീറിപ്പാഞ്ഞുവന്നു…