എന്റെ മാത്രം അനുരാധ [അദ്രി] 621

മുഖത്തേക്ക് കുറച്ചു വെള്ളം വീണപ്പോൾ ഞാൻ മെല്ലെ കണ്ണുതുറന്നു മുഖത്താകെ ഒരു നീറ്റൽ അനുഭവപ്പെട്ടു എന്താണ് സംഭവമെന്ന് എനിക്ക് മനസിലായില്ല.

കള്ളിന്റെ കെട്ട് വിട്ട് ബോധം വരുന്നതേ ഉണ്ടായിരുന്നുള്ളൂ.

കണ്ണ് തുറന്നപ്പോൾ പ്രായം തോന്നിക്കുന്ന കുറെ തടിമടന്മാരെയും പെണ്ണുങ്ങളെ കണ്ടപ്പോൾ ഞാൻ എല്ലാവരെയും മിഴിച്ചു നോക്കി അതിനിടയിൽ അനുരാധയുടെ അച്ഛനെ കണ്ടപ്പോഴാണ് എനിക്ക് മനസിലേക്ക് ഓരോന്നായി തെളിഞ്ഞു വരാൻ തുടങ്ങിയത്.

ചോദ്യവും പറച്ചിലും ഒന്നും ഉണ്ടായില്ല.

നേരെ എന്നെ കൊണ്ട് പോയി തലയിൽ വെള്ളം ഒഴിക്കുന്നു, ഒരുക്കുന്നു എന്തിനാണെന്ന് ചോദിക്കാൻ ഉള്ള മാനസികാവസ്ഥ ആയിരുന്നില്ല കിട്ടിയ അടിയും കുടിച്ച കള്ളും എല്ലാം കൂടെ എനിക്ക് ഇപ്പോഴും കെട്ട് വീട്ടിട്ടുണ്ടായിരുന്നില്ല.

നേരെ ഒരു അമ്പലത്തിന്റെ മുന്നിൽ നിന്നപ്പോഴാണ് എനിക്ക് മനസിലായത് എന്റെ കല്യാണമെന്ന് ഞാൻ നോക്കിയപ്പോൾ എന്റെ അമ്മയും അച്ഛനും അനിയത്തിയും അവിടെ ഉണ്ടായിരുന്നു അച്ഛന്റെ മുഖത്ത് ദേഷ്യം ആണ് അമ്മയുടെയും അനിയത്തിയുടെയും മുഖഭാവം തിരിച്ചറിയുന്നില്ല.

അപ്പോഴാണ് ഞാൻ വിവേകിനെ കുറിച് ചിന്തിക്കുന്നത്.

അവനെ അവിടെ കാണാനും ഇല്ല

അങ്ങനെ വീട്ടുകാർ എന്നെ കൊണ്ട് അവളുടെ കഴുത്തിൽ താലി കെട്ടിച്ചു

അവളുടെ മുഖത്ത് ഒരു നിസംഗ ഭാവം ആയിരുന്നു.

അങ്ങനെ ഇപ്പൊ ഇതാ ആദ്യമായി ഞാൻ പ്രണയിച്ചവൾ എന്റെ സ്വന്തമായിരിക്കുന്നു അതും എന്റെ കൂട്ടുകാരനെ മനസ്സിൽ ഇട്ട്.

എനിക്ക് ഒരു കാര്യമേ വിഷമം ഉണ്ടായിരുന്നുള്ളൂ വിവേകിനെ പറ്റി ഞാൻ അവനെ പറ്റി തിരക്കിയപ്പോൾ അവനെ പറ്റി ഒരു വിവരവുമില്ല എന്നാണ് അറിയാൻ കഴിഞ്ഞത് ഞാനും ആകെ പേടിച്ചു പോയി…