എന്റെ മാത്രം മീനുട്ടി [ആൽബി] 242

തൃപ്തിയറിഞ്ഞുറങ്ങിയ സമയം എപ്പോഴെന്നറിയില്ല.ഉറങ്ങുമ്പോൾ എന്നത്തെയും പോലെ എന്റെ
നെഞ്ചിൽ തല ചായ്ച്ച് എന്റെ മീനുവുണ്ടായിരുന്നു.ഒരു പുതപ്പ് മേലേക്കിട്ട് അവളെ പുണർന്ന് ഞാനും മയക്കത്തിലേക്ക് വീണു.
*********
രാവിലെ കണ്ണ് തുറന്ന് പതിവ് പോലെ മീനൂട്ടിയെ വിളിച്ചു.എന്റെ പെണ്ണിനെയും കണികണ്ട്,
കയ്യോടെ കിട്ടുന്ന ചുംബനവും ഏറ്റുവാങ്ങി,ഒരു ചൂട് ചായയും കുടിച്ചുള്ള പുതിയ ദിവസത്തിന്റെ തുടക്കം അന്നും പതിവ് പോലെ ആകുമെന്ന് കരുതിയ എനിക്ക് തെറ്റി.കഴിഞ്ഞ കുറച്ചു നാളുകളായി തുടർന്നുവന്ന ശീലം അങ്ങനെയായിരുന്നു.

ഞാൻ കിടക്കയിൽ കിടന്ന് പിന്നെയും വിളിച്ചുകൂവി.
അനക്കമൊന്നും കാണാഞ്ഞത് കൊണ്ട് എണീറ്റ ഞാൻ ആ വീട് മുഴുവൻ പരതി.

കാണാഞ്ഞപ്പോൾ അടുത്തുള്ള കടയിൽ പോയതാവും എന്ന് കരുതി കുറച്ച് നേരം കൂടി കാത്തുനിന്നു.എന്നിട്ടുമെന്റെ
മീനുസിനെ കാണാതായപ്പോൾ
പുറത്തേക്കിറങ്ങി അടുത്തുള്ള കടയിൽ തിരക്കി,ഒപ്പം ചുറ്റുമുള്ള വീടുകളിലും.

ആരിൽ നിന്നും എനിക്ക് വേണ്ട വിവരം ലഭിച്ചില്ല.പക്ഷെ എന്റെ വീടിന് മുന്നിൽ ഒരു കാർ വന്നുനിൽക്കുന്നതും അതിൽ കയറി എന്റെ മീനൂസും മാളുവും പോകുന്നത് കണ്ടു എന്ന വിവരം
പത്രക്കാരനിൽ നിന്ന് ഞാൻ അറിഞ്ഞു.

ഒരോട്ടമായിരുന്നു മുറിയിലേക്ക്.
ഫോണെടുത്തു വിളിക്കാൻ തുടങ്ങുമ്പോൾ അതിൽ മീനു അയച്ച മെസ്സേജ് വന്നുകിടപ്പുണ്ട്.

“അന്വേഷിക്കരുത്,പിന്നാലെ തിരക്കി വരികയുമരുത്.നമ്മൾ ഇനി കാണില്ല,ഞാൻ പോകുന്നു എന്റെ മോനൂസിൽ നിന്നും ഒരുപാട് ദൂരേക്ക്.ഇങ്ങനെയൊരു അധ്യായം ഞാൻ മറക്കുന്നു.ഇനി ഒരിക്കലും നമ്മൾ കണ്ടുമുട്ടാൻ ഇടവരാതിരിക്കട്ടെ.”