എന്റെ മാത്രം മീനുട്ടി [ആൽബി] 242

ഏറ്റവും പ്രധാനമായി ഒരു സ്ത്രീ എങ്ങനെയാണോ,അവളെയതെ അഴകളവുകളോടെ, പുറംമോടി ഇല്ലാതെ സ്നേഹിക്കാനും ഒപ്പം ചേർത്തുപിടിക്കാനും തോന്നിച്ചത്
ജോലിയിടത്തെ അവളുടെ പെരുമാറ്റവും,ഒന്നിച്ചുള്ള ജോലി സമയങ്ങളും,ഒരു പുഞ്ചിരിയിൽ തുടങ്ങിയ പരിചയം പിന്നീട് നല്ല സൗഹൃദമാകുകയും ഓഫീസിന് പുറത്തേക്ക് ഞങ്ങളുടെ സൗഹൃദം സമയപരിധിയില്ലാതെ
വളർന്നതുമൊക്കെയായിരുന്നു.

അവളിടക്ക് പറയുമായിരുന്നു, “തൊലിവെളുപ്പ് കണ്ട് പോകല്ലേടാ പിള്ളേരേ…..”എന്ന്.അതിന്റെ അർത്ഥം ഞാനറിഞ്ഞത് കൂടെ ജോലി ചെയ്ത ഗുജറാത്തിക്ക് കട്ട തേപ്പ്‌ കിട്ടിയപ്പഴും.

അതല്ലല്ലോ നമ്മുടെ വിഷയം.
എന്നാലും ഭർത്താവുപേക്ഷിച്ച,
പതിനേഴിലെത്തിനിൽക്കുന്ന
ഒരു പെൺകുട്ടിയുടെ അമ്മയോട്
തോന്നിയ അടുപ്പം,അവളില്ലാതെ താനുമില്ല എന്നയവസ്ഥയിൽ എങ്ങനെയെത്തി എന്നത് ഇന്നും ഒരു കടം കഥയാണ്.
**********
ഡൽഹിയിലെ പ്രസിദ്ധമായ ആശുപത്രിയുടെ ഭാഗമായുള്ള നഴ്സിംഗ് കോളേജിൽ അധ്യാപകനായി ജോലിയിൽ കയറിയതാണ് ഞാൻ.നഴ്സിംഗ് പഠനത്തിൽ പി ജി കഴിഞ്ഞിരുന്നു എങ്കിലും ഊര് ചുറ്റിനടന്ന് കുറെ സമയം കളഞ്ഞതിനുശേഷമാണ് ഈ ജോലിയിലുള്ള പ്രവേശനം.

ഞാൻ ജോലിക്ക് കയറുന്നത് ഒരു പുതിയ അദ്ധ്യാഹ്‌ന വർഷത്തിന്റെ തുടക്കത്തിലാണ്. അതുകൊണ്ടുതന്നെ പുതിയ നഴ്സിംഗ് ബാച്ചിന്റെ ചുമതല എന്നെത്തന്നെയേൽപ്പിച്ചു.അത്
കുട്ടികളുടെ മാനസീക സമ്മർദ്ദം കുറക്കുമെന്ന് മാനേജ്മെന്റ് കരുതിയതിൽ തെറ്റ് പറയാൻ കഴിയില്ല.അതെ ബാച്ചിലായിരുന്നു മാളവികയും, എന്റെ മീനുവിന്റെ മകൾ.