“എങ്കിൽ ഞാനിറങ്ങിക്കോട്ടെ..”
അമ്പിളി തിരക്കി..
ഞാൻ പുഞ്ചിരിയോടെ തലയാട്ടി. പിന്നെ എപ്പോഴെലും അവൾക്കൊരു ഗിഫ്റ്റ് കൊടുക്കണമെന്ന് ഞാനാലോചിച്ചു..
അവളെ ഒന്നിറുകെ പുണർന്ന് നെറ്റിയിൽ ഒരുമ്മയും കൊടുത്തിട്ടാണ് ഞാനയച്ചത്..
ഷേവ് ചെയ്തതിൻ്റെ ഒരു ബുദ്ധിമുട്ട് അൽപ്പം കഴിഞ്ഞപ്പോൾ മുതൽ എനിക്ക് അനുഭവപ്പെടാൻ തുടങ്ങി.. ചെറിയ രീതിയിലുള്ള ചൊറിച്ചിൽ.. പിന്നെ നീറ്റൽ.. രാത്രിയിൽ ഒരു അവിൽ ടാബ്ലറ്റ് കഴിച്ചിട്ടാണ് ഞാൻ കിടന്നത്..
ഞായറാഴ്ച.. രാവിലെ കുളി കഴിഞ്ഞ് അമ്പലത്തിൽ പോയി വന്നിട്ട് ഞാൻ അടുക്കളയിലേക്ക് കയറി. അമ്മയും ഒപ്പം കൂടി.. ബ്രേക്ക്ഫാസ്റ്റ് കഴിഞ്ഞതും ഞാൻ സാരി മാറ്റി വേറൊരു പഴയ സാരി ഉടുത്തുകൊണ്ട് തൊടിയിലേക്കിറങ്ങി.. പതിനൊന്നു മണിയോടെ പണികൾ അവസാനിപ്പിച്ച് ഞാൻ നേരെ പ്രവീണാമ്മയുടെ വീട്ടിലേക്ക് ചെന്നു.
അവർ പുറത്ത് അടുക്കളത്തോട്ടത്തിൽ പണികളിലാണ്.. സ്ഥിരം ഉടുക്കാറുള്ള ഇളം പച്ച സാരിയാണ് വേഷം.. എന്നെ കണ്ടതും നെറ്റി തുടച്ച് കൊണ്ട് അവർ ചിരിച്ചു. ഞാനും അവരുടെയൊപ്പം പണിക്ക് കൂടി..
അര മണിക്കൂർ കൊണ്ട് ജോലിയൊക്കെ തീർത്ത് ഞങ്ങള് വന്ന് സിറ്റൗട്ടിലിരുന്നു.
“കുറെക്കാലം കൂടി ഞാനിന്നലെ ഒന്ന് ഷേവ് ചെയ്തു.. ഇപ്പൊ ചൊറിച്ചിൽ കാരണം വയ്യ..”
ഞാൻ പറഞ്ഞു.
“അത് ആദ്യമായത് കൊണ്ടാണ്… രണ്ട് ദിവസത്തേക്ക് കാണും..പിന്നെ മാറിക്കോളും.”
അവർ പറഞ്ഞു.
“ചേച്ചി ചെയ്യാറുണ്ടോ..”
“പിന്നില്ലാതെ.. ഞാൻ ആഴ്ചയിൽ ഒരു തവണ ചെയ്യും..”
ഞാനൊന്നു മൂളി.
“എന്ത് പറ്റി ഇപ്പൊ ഷേവ് ചെയ്യാൻ തോന്നാൻ..”
