എൻറെ പ്രണയമേ 10 [ചുരുൾ] 658

ഇതല്ലേ അമ്മ പറയുന്ന പ്രശ്നം……. കഴുത്തിലെ താലി അമ്മയ്ക്ക് നേരെ ചൂണ്ടുവിരലിൽ ഉയർത്തിക്കൊണ്ട് അല്ലി പറഞ്ഞതും.. അടുത്തത് എന്തെന്ന് മനസ്സിലായ എനിക്ക് ഹൃദയം നുറുങ്ങുന്ന വേദന അനുഭവപ്പെട്ടു.

അമ്മ ഇവിടെ ഞങ്ങളോടൊപ്പം ഇല്ലെങ്കിൽ.. ഇതിന് ഒരു അർത്ഥവും ഇല്ലമ്മേ…… പറഞ്ഞപ്പോൾ അത്രയും നേരം ഉറച്ച അല്ലിയുടെ ശബ്ദം ഒന്ന് ഇടറി.. അവളുടെ വിരലുകൾ താലിയിൽ ചുരുളുന്നത് കണ്ടതും കാണാനാവാതെ ഞാൻ കണ്ണുകൾ അടച്ചു കളഞ്ഞു.

ഇതങ്ങ് പൊട്ടിച്ചെടുത്താൽ തീരുന്ന പ്രശ്നമല്ലേ ഇവിടെ ഉള്ളൂ…….. അല്ലിയുടെ ശബ്ദം ഒരു ഗുഹയിൽ എന്നപോലെ എൻറെ കർണ്ണപുടങ്ങളെ വേദനിപ്പിച്ചു.

ചുറ്റും നിറഞ്ഞുനിൽക്കുന്ന തേങ്ങലുകളും വിതുമ്പലുകളും മാത്രം.. എൻറെ പെണ്ണിന് ഞാൻ കൊതിച്ചു ചാർത്തിയ താലി അവൾ പൊട്ടിച്ചിരിക്കുന്നു.. സഹിക്കാൻ പറ്റുന്നില്ല.. കണ്ണുകൾ നീറിപ്പുകഞ്ഞു… ഭൂമി പിളർന്ന് താഴേക്ക് പോയിരുന്നെങ്കിൽ എന്ന് ഞാൻ ആത്മാർത്ഥമായി ആഗ്രഹിച്ചു പോയി.. പക്ഷേ.. താങ്ങണം.. സഹിച്ചേ പറ്റൂ.. അമ്മയോളം വരില്ലൊന്നും.

അല്ലിയുടെ പൊട്ടി കരച്ചിൽ.. കുഞ്ഞിയുടെ ആർത്തനാദം.. ഞാൻ കണ്ണുകൾ തുറക്കാൻ ആവാതെ അങ്ങനെ നിന്നുപോയി.. പെട്ടെന്ന് അതിനിടയിൽ നിന്നും ചിലമ്പിച്ച ഒരു കരച്ചിൽ ഉയർന്നതും എൻറെ ഹൃദയം ഒരു നിമിഷം ഒന്നു നിലച്ചു.. ഞാൻ കണ്ണുകൾ വലിച്ചു തുറന്നു.

അല്ലി വലിക്കാൻ തുടങ്ങിയ താലിയിൽ മുറുകെപ്പിടിച്ച് അവളുടെ മുഖത്ത് ഉമ്മകൾ കൊണ്ട് മൂടുന്ന അമ്മ.. ഒരു കൈകൊണ്ട് കുഞ്ഞിയെ ചുറ്റി പിടിച്ചിട്ടുണ്ട്.. ചേച്ചിയുടെയും അമ്മയുടെയും മുലകൾ പരസ്പരം അമർന്ന് ഉടയുന്നതിന്റെ ഇടയിലേക്ക് മുഖം പൂഴ്ത്തി ചേച്ചിയെയും ചുറ്റിപ്പിടിച്ചു നിന്നു കരയുന്ന കുഞ്ഞി.