എന്റെ സുൽത്താന 12 [Marin] 307

ഞാൻ വണ്ടി സ്റ്റാർട്ട്‌ ചെയ്തു. ഫറയും മേഖയും കേറി കഴിഞ്ഞു ഞാൻ വണ്ടി മുന്നോട്ട് എടുത്തു.

സമയം ആറര കഴിഞ്ഞു. മഴക്കോള്

ഉള്ളത് കൊണ്ട് ഇരുട്ട് പരന്നു തുടങ്ങി കഴിഞ്ഞു.

മെയിൻ റോഡ് കഴിഞ്ഞപ്പോഴേ മഴ ചെറുതായ് ചാറി തുടങ്ങി.

“മഴ മുഴുവനും നനയുമോ ചേച്ചി…

മേഘ പിന്നിൽ നിന്ന് ചോദിച്ചു.

“ഹും നോക്കാം…

ഞാൻ മറുപടി കൊടുത്തു.

ഇടറോഡിലേക്ക് കടന്നപ്പോഴേക്കും മഴ നന്നായി പെയ്തു തുടങ്ങി. ഒപ്പം കാറ്റും നന്നായി വീശി അടിച്ചു. ചെറിയ റോഡ് ആണ്.ഇരുവശവും കുറ്റി ചെടികൾ വളർന്നു റോഡിലേക്ക് കേറിയിരിക്കുന്നു. റോഡിലെ ചെറിയ കുഴികളിൽ വെള്ളം നിറഞ്ഞിട്ട് ഉണ്ട്. കാറ്റിനു ശക്തിഏറി തുടങ്ങി.

കാറ്റിലും, ഇടക്ക് ഇടക്ക് ഉള്ള കുഴികളിലും പെട്ട് പലപ്പോഴും

സ്‌കൂടിയുടെ ബാലൻസ് തെറ്റി.ഇനിയും ഇങ്ങനെ പോയാൽ മൂന്നുപേരും റോഡിൽ വീഴും.

വീട്ടിലേക്കുള്ള ഇടറോഡിലേക്ക് കടന്നതും മഴക്ക് ശക്തികൂടി. റോഡിന്റെ ഇടതു വശത്തു ഒരു ചെറിയ ഷെഡ് ഉണ്ട്. അടുത്തുള്ള ഒരാളുടെ ഓട്ടോ നിർത്തി ഇടുന്ന ഷെഡ് ആണ് അത്.ഞാൻ വണ്ടി അതിലേക്ക് കേറ്റി നിർത്തി.ഓട്ടോ ഷെഡിൽ തന്നെ ഉണ്ട്.

ഞങ്ങൾ മൂന്ന് പേരും കാറ്റിൽ നിന്ന് രക്ഷ കിട്ടാൻ ഓട്ടോക്ക് പിന്നിലേക്ക് കേറി നിന്നു.

മഴ കനത്തു. നനഞ്ഞു കുതിർന്ന ഡ്രസ്സും കാറ്റും കൂടി ആയപ്പോൾ നന്നായി തണുക്കാൻ തുടങ്ങി.

ഏറ്റവും കഷ്ടം ഫറയ്ക്ക് ആയിരുന്നു അവളുടെ മുഴുനീളൻ ഡ്രസ്സ്‌ നനഞ്ഞു തുടങ്ങിയപ്പോൾ പാവം വിറച്ചു തുടങ്ങി.

“മോൾക്ക് നന്നായി തണുക്കുന്നോ.?

കാറ്റ് അടിച്ചിട്ട് ആണ്. ഇങ്ങോട്ട് കേറി നില്ക്കു..തന്റെ ഇടതു വശത്തു നിന്ന അവളോട് ഞാൻ പറഞ്ഞു.