കോൾ കണക്ടായിരുന്നു…
“ പറയെടാ സുകൂ… ….: “
“” നീ എവിടാടാ… …. ഒന്ന് വിളിക്കുക പോലും ചെയ്യാതെ… “
സുകുവിന്റെ സ്വരം ഗിരി കേട്ടു….
ഫോണിലൂടെ ആളുകളുടെ ബഹളവും കേൾക്കാമായിരുന്നു..
“” ഞാൻ പറഞ്ഞിട്ടല്ലേടാ പോന്നത്…”
“” ശരിയാ..എന്നാലും നിനക്കൊന്ന് വിളിക്കുന്നതിനെന്താ……….?: “
“” ഓരോ കാര്യങ്ങളിലായിരുന്നെടാ… “
“” ഗാഥ നിന്നെ തിരക്കി, എന്റെയടുത്ത് വന്നായിരുന്നു… നിന്നെ വിളിച്ചിട്ട് കിട്ടുന്നില്ല , എന്നും പറഞ്ഞ്……….””
ഗിരിയിൽ ഒരു വീർപ്പുമുട്ടലുണ്ടായി…
“” കൊച്ചാകെ പേടിച്ചിട്ടാ , നീ വല്ലതും ഒന്ന് വിളിച്ചു പറ…………. “
സുകേഷ് പറഞ്ഞു..
“” നീ പറഞ്ഞാൽ മതി… “”
“” ഞാൻ പറഞ്ഞാൽ അവള് കേൾക്കുമോ?””
“” നീ എന്തെങ്കിലും പറയെടാ… വല്ല ലോഡുമായി പോയിരിക്കുവാന്നെങ്ങാനും… “
ഗിരിയ്ക്ക് അരിശം വന്നു…
“” ശരി… ശരി…””
സുകു സമ്മതിച്ചു…
“” അവൻമാരൊക്കെ എവിടാ ?””
“ പണിക്കു പോകുന്നുണ്ട്…………”
പറഞ്ഞിട്ട് സുകു ഫോൺ കട്ടാക്കി…
അവനേതോ വാഹനത്തിലായിരുന്നു എന്ന് ഗിരിക്ക് മനസ്സിലായി…
അവൻ പിന്തിരിഞ്ഞതും മല്ലിക അവനെ തന്നെ ശ്രദ്ധിച്ചു നിൽക്കുന്നതു കണ്ടു…
ഗിരി, മുറിയിലേക്ക് കയറിയതും ഉണങ്ങിയ തോർത്തുമായി മല്ലിക കയറി വന്നു……
“” ഇരിക്ക്… …. “
മല്ലികയെ ഒന്നു നോക്കി , ഗിരി കട്ടിലിൽ ചെരിഞ്ഞ് ഇരുന്നു..
ഒരല്പം വിട്ട് മല്ലികയും ഇരുന്നപ്പോൾ മടക്കു കട്ടിൽ ഒന്നു ഞെരങ്ങി…
നനഞ്ഞിളകിയ മുറിവിന്റെ കെട്ട്, അവൾ ശ്രദ്ധയോടെ വലിച്ചിളക്കി…
രോമങ്ങളിൽ കുടുങ്ങിയ ബാൻഡേജ്, അവൾ വലിച്ചിളക്കിയതും ഗിരി ഒന്നു ഞെളിഞ്ഞു……
“” വേദനയുണ്ടോ…….?””
മല്ലിക പറഞ്ഞതിനു ശേഷം അവന്റെ മുറിപ്പാടിൽ പതിയെ ഊതി……
അപ്പൂപ്പൻ താടിയിൽ കാറ്റേറ്റപോലെ അവന്റെ പുറത്തെ രോമങ്ങൾ വിടരുന്നത് മല്ലിക കണ്ടു..
ഗിരി ഒന്ന് മൂളി…
അവൾ ബാൻഡേജ് വലിച്ചെടുത്ത് സ്റ്റൂളിലേക്ക് വെച്ചു…
“” മരുന്നുണ്ടോ… ?”.
ഗിരി മരുന്നുകളടങ്ങിയ കവറെടുക്കാനാഞ്ഞതും മല്ലിക എഴുന്നേറ്റു…
അവൾ ഉണങ്ങിയ തുണികൊണ്ട് മുറിപ്പാട് മൃദുവായി തുടച്ചു…
ചൂണ്ടുവിരലിൽ ഓയിൽമെന്റ് തേച്ച്, അവൾ മുറിപ്പാടിലൂടെ നേർമ്മയായി വലിച്ചു……
