ഫിദ [അനാമിക] 852

ഇഷ്ടായി…

ഒരു തനിനാടൻ അമ്മച്ചി..അവൾക്കതാണ് തോന്നിയത്…ആ കുറച്ചു സമയം കൊണ്ട് അവരാ നാടിന്റെ ചരിത്രം വരെ പറഞ്ഞുകൊടുത്തു..ചുറ്റും റബ്ബർ തോട്ടവും ഏലവും ആയ അവിടെ അടുത്തുള്ള ഏകവീട് മേരിയമ്മച്ചിയുടെ ആണ്..അതു കഴിഞ്ഞാൽ പിന്നടുത്ത തോട്ടത്തിലാനൊരു വീടുള്ളു…

ഉച്ചക്കുണ്ണാനായി അവന്റെ ബുള്ളറ്റ് വന്നുകയറിയതും അവർ ഇറങ്ങി…

“സാറെ കൊച്ചിനിപ്പോ 8 കഴിയാറായില്ലേ കുഴമ്പ്തേച്ചു കുളിയും കുറുന്തോട്ടികഷയാവുമൊക്കെ തുടങ്ങേണ്ട സമയമായി…ഞാൻ പറഞ്ഞു തരാം അതാ അങ്ങാടികടേന്ന് വാങ്ങിക്കൊണ്ടു കൊടുക്കണേ…ഇതൊക്കെ കാർന്നോന്മാര് ചെയ്യണ്ടതാ…നിങ്ങള് പ്രേമിച്ചു കെട്ട്യോണ്ട് അല്ലെ വീട്ടുകാരൊന്നും ഇല്ലാതെ..അതോണ്ടാ ഞാൻ പറയുന്നേ…”

അവനതു കേട്ടതും അവളെ നോക്കി…ആളകത്തേക്ക് വലിഞ്ഞിരുന്നു…

“ആര് പ്രേമിച്ചു കെട്ടീന്ന്”

ഹാളിലേക്ക് വരുന്ന വഴി അടുക്കളയിലേക്ക് മുങ്ങുന്നവളെ കണ്ടതും വിളിച്ചു ചോദിച്ചു…

“അവര് വീട്ടുകാരെ കുറിച്ച് ചോയ്ച്ചപ്പോ എനിക്കറീലാരുന്നു അതാ അങ്ങനെ പറഞ്ഞോഴിഞ്ഞേ” അവന്റെ പ്ലേറ്റിലേക്ക് വിളമ്പിക്കൊണ്ടവൾ പറഞ്ഞു…

“അങ്ങനെ അറിയാൻ മാത്രം ആരൂല്ല..ആരൊക്കെയാണെന്ന് എനിക്കുപോലും അറിയില്ല..പിന്നല്ലേ നിന്നോട് പറയാൻ…”

അവളവനെ മനസിലാകാതെ നോക്കി

“ഓർഫെനേജില വളർന്നെ..”

പിന്നെവളൊന്നും ചോദിച്ചില്ല അവനൊന്നും പറഞ്ഞുമില്ല

ഗ്യാസ് കയറിയത് കൊണ്ടാകും മുഴുവൻ കഴിക്കാതെ അവൾ എണീക്കാൻ തുടങ്ങിയതും അവളുടെ പ്ലേറ്റ് വാങ്ങി അതിൽ ബാക്കി ഉണ്ടായിരുന്നത് അവന്റെ പ്ലേറ്റ് ഇലേക്ക് ഇട്ടു കഴിക്കാൻ തുടങ്ങി…