” ഫിദക്ക് പെൺകുഞ്ഞാണുട്ടോ….നോർമൽ
ഡെലിവറി ആയിരുന്നു..“
നെഞ്ചിലെ തീയൊന്നണഞ്ഞ പോലെ……
”ഫിദ “
” സുഖമായിട്ടിരിക്കുന്നു…കുറച്ചു കഴിഞ്ഞാൽ റൂമിലേക്ക് മാറ്റും…കട്ടൻ കാപ്പിയോ കട്ടൻ ചായയോ വാങ്ങിച് വച്ചോളു കൊടുക്കാൻ“
അതും പറഞ്ഞവർ അകത്തേക്ക് പോയി..അൽപനേരം കഴിഞ്ഞതും ഒരു വെള്ള ടർക്കിയിൽ പൊതിഞ്ഞ കുഞ്ഞുവാവയുമായി അവർ എത്തി…
ഇത്രയും ചെറിയ കുഞ്ഞിനെ കയ്യിൽ വാങ്ങാനുള്ള വിറയലോടെ അവൻ നിന്നപ്പോൾ മേരിയമ്മച്ചി കുഞ്ഞിനെ വാങ്ങിയവന്റെ കയ്യിലേക്ക് വച്ചു കൊടുത്തു…
കോട്ടൺ കാൻഡി പോലുള്ളയാ കുഞ്ഞുമുഖം കണ്ടതും ഉള്ളിലൊരു കുടം മഞ്ഞു വീണത് പോലെ അവനൊന്നു കുളിർന്നു…അവനറിയാതെയാ കുഞ്ഞുനെറ്റിയിൽ ചുണ്ടുചേർത്തു…മേരിയമ്മച്ചിയും തോമച്ചയാനുമത് ചിരിയോടെ നോക്കി നിന്നു…
മീശത്തുമ്പ് കൊണ്ടതും കുഞ്ഞൊന്നു ചുണ്ട് ചുളുക്കി. …കരയാൻ തുടങ്ങി…സിസ്റ്റർ കുഞ്ഞിനെ കയ്യിലേക്ക് വാങ്ങി അകത്തേക്ക് കൊണ്ടുപോയി….
തന്നിൽ നിന്നെന്തോ പറിഞ്ഞു പോകുമ്പോലെ തോന്നിയവനു…ആ പോയ പഞ്ഞിതുണ്ടവന്റെ ഹൃദയവും കൊണ്ടുപോയതായിരുന്നു…..
കുറെ നേരത്തിനു ശേഷം ഒരു വീൽ ചെയറിൽ മടിയിൽ കുഞ്ഞിനേയും ആയി ഫിദ ഇറങ്ങി വന്നു….
അവളുടെ കോലം കണ്ടവന്റെ ചങ്ക് പിടച്ചുപോയി….ആ വെളുത്ത വട്ടമുഖമാകെ കരഞ്ഞു വീർത്തിരിക്കുന്നു….കണ്ണൊക്കെ തടിച്ചു വീർത്തു….മുടിയാകെ പാറിപ്പറന്നു…വരണ്ടുണങ്ങിയ ചുണ്ടുകളുമായി ഫിദ…
ലേബർ റൂമിനു മുമ്പിലാണെന്നോ ചുറ്റും ആളുകളുണ്ടെന്നോ വക വെക്കാതെ അവൻ കുനിഞ്ഞവളുടെ മുഖം കയ്യിലെടുത്തു…
ഇന്നാ വായിക്കാൻ പറ്റിയത്, എന്ത് എഴുത്ത ജീവൻ തുടിക്കുന്ന മായാജാല വരികൾ,
super🥰
ഇജ്ജാതി എഴുത്ത്, തൂടരൂ സുഹൃത്തേ
ബ്രോ എഴുതണോ എന്ന ചോദ്യത്തിന് പ്രസക്തി ഇല്ല എഴുതി കൊണ്ടേ ഇരിക്കുക അത്രയ്ക്ക് ഇഷ്ടമാണ് ഇയാളുടെ സ്റ്റൊറി
Entoru manoharamaya love story aanu, keep qriring
super ❤️💕😘