ഫിദ 3 [അനാമിക] [Climax] 125

“ചൂടോന്നാറട്ടെ എന്റെ കൊച്ചേ…….” അടുത്തുള്ള സ്‌റ്റോവിൽ ശർക്കര പാനി കാച്ചികൊണ്ടിരുന്ന അമ്മച്ചി അവളുടെ കൈക്ക് തട്ടി………

“ഇങ്ങനൊരു കൊതിച്ചി……..” എണ്ണയിലിട്ട് എന്ത് പൊരിച്ചു കൊടുത്താലും തിന്നുമവൾ

ഇന്ന് രാത്രി ശബരിക്കും അമ്മച്ചിക്കുമാണ് അടുക്കള ഡ്യൂട്ടി……..ചാച്ചനും മകളും കൂടെ ഉച്ചക്ക് വച്ച മോരുകറി കണ്ടതോടെ രണ്ടും ഈ വഴിക്ക് അരിയാനല്ലാതെ കയറിയേക്കല്ലെന്ന് ശബരി ഓർഡർ ഇട്ടു…….

പിറ്റേന്ന് മിനുങ്ങാനുള്ള സാധനം ഒപ്പിച്ചു തരാമെന്നുള്ള ഡീൽ അവർക്കിടയിൽ ഉണ്ടെന്നുള്ള കാര്യം ഓർത്തു തോമാച്ചായൻ മാന്യനായി നിന്നു……

അന്നവര് രണ്ടും കൂടെ അവിടെയുണ്ടാക്കിയ വിഭവങ്ങൾ കണ്ടപ്പോൾ താൻ വെക്കുന്നത് കറിയെ അല്ലെന്നവൾക് മനസിലായി…..എന്നിട്ടും ഒരു കുറ്റവും പറയാതെ വിളമ്പുന്നത് മുഴുവൻ കഴിക്കാറുള്ളവനെ ഓർത്തു കണ്ണും മനസും നിറഞ്ഞു……..

രാത്രി ഒരുവിധം എല്ലാം ഒതുക്കി മേരിയമ്മച്ചി ആദ്യമേ സുല്ലുവെച്ചു……..

“സ്റ്റാമിന വേണമെടി സ്റ്റാമിനയെന്നും പറഞ്ഞു ചെന്ന തോമച്ചായന്റെ കയ്യിൽ സ്‌ക്രബ്ബ് വച് കൊടുത്തിട്ട് എന്നാ സ്റ്റാമിനയുള്ളവർ കഴുകിക്കൊന്നും പറഞ്ഞു മേരിയമ്മച്ചി ഒരു പോക്കങ്ങു പോയി……

അടിച്ചുവാരി ചൂലൊതുക്കി വച് ഫിദ കുളിക്കാനും കയറി……

കുളി കഴിഞ്ഞ് ചെല്ലുമ്പോൾ തോമാച്ചായൻ ഹാളിലെ സോഫയിൽ ചുരുണ്ടു കിടന്നുറക്കമാണ്…ഈപാതിരക്കിനിവീട്ടിൽപോണ്ടെന്ന്വച്ചുപുള്ളിയവിടെകൂടി. …..കുഞ്ഞിനടുത്തായി കിടന്ന് അമ്മച്ചിയും ഉറക്കം പിടിച്ചു….ശബരിയുടെ മുറിയുടെ ഡോർ ചാരിയിട്ടുണ്ട്….വെളിച്ചം കാണാം…