ഫിദ 3 [അനാമിക] [Climax] 132

 

 

 

“കിടന്നില്ലേ പോലും….

 

 

 

അലമാരയിൽ നിന്നും ഉണങ്ങിയ മറ്റൊരു ടവൽ എടുത്തു മുടിയിലെ നനവ് മാറ്റുമ്പോൾ അവൻ വാതിൽക്കൽ വന്നു….കണ്ണ് കൊണ്ട് മുറിയിലേക്ക് വരാൻ പറഞ്ഞു……വരില്ലെന്ന് പറഞ്ഞപ്പോൾ ഒന്നുമില്ലെടി ഒരു സാധനം തരാനാണെന്ന് ആംഗ്യം കാണിച്ചു…..അവൻ പറ്റികുവാണെന്ന് കരുതി വരുന്നില്ലെന്ന് കട്ടായം പറഞ്ഞപ്പോൾ തൂക്കിയെടുത് കൊണ്ടുപോകുമെന്ന് പറഞ്ഞവൻ മുറിയിലേക്ക് കാൽ വച്ചതും അവൾ പുറത്തേക്ക് വന്നു……

 

 

 

ഹാളിൽ കിടക്കുന്ന ചാച്ഛനെ കാണിച്ചതും ആൾ നല്ല ഉറക്കാണെന്ന് പറഞ്ഞവൻ അവളെ മുറിയിലേക്ക് കയറ്റി…….വാതിലടച്ചു…..

 

 

 

അവൾ ചെന്നു ബെഡിലേക്കിരുന്നു…കട്ടിലിനോട് ചേർത്തിട്ട ടേബിളിൽ നിന്നും എന്തോ എടുക്കുന്നവനെ നോക്കി…

 

കയ്യിൽ ഒരു ചെറിയ കവറുമായി അവൻ അടുത്തേക്കിരുന്നു……

 

“നൂലുകെട്ടിന്റേത് തന്നെ മതി വേറെ എടുക്കേണ്ടെന്ന് പറഞ്ഞതുകൊണ്ടാ ഡ്രസ്സ്‌ നോക്കാത്തെ….”

 

 

 

കവറിനുള്ളിലെ ബോക്സ്‌ എടുത്ത് അവളുടെ കയ്യിലേക്ക് കൊടുത്തു…….അവളത് തുറന്നു……

 

 

 

അവന്റെ പേരെഴുതിയ ലോക്കറ്റ്……….

 

 

 

അവളതിലേക്ക് വീണ്ടും വീണ്ടുംനോക്കി…ഒന്നുമ്മവെച്ചു…….പിന്നെയവനെ നോക്കി അഭിമുഖമായി ഇരുന്നു……ലോക്കറ്റ് കൈയിലേക്ക് വച്ചു കൊടുത്തു……..

 

 

 

“ഇട്ടു താ……”

 

 

 

ശബരിയുടെ കൈ അവളുടെ കഴുത്തിലൂടെ അരിച്ചു കയറി……പരുക്കൻ വിരലുകൾ പിൻകഴുത്തിൽ ഉരഞ്ഞപ്പോൾ അവളാ കയ്യിലേക്ക് മുഖം ചായ്ച്ചു വച്ചു……