ഫിദയുടെ സ്വപ്നവും ഹിദയുടെ ജീവിതവും 5 [ഏകൻ] 147

 

“ആ മധുവിധു രാത്രികൾ അല്ലേ..?” മുത്ത് പറഞ്ഞു.

 

“അയ്യേ ഈ മുത്ത്… ശ്രീയേട്ടാ നമുക്ക് മുത്തിനെകൊണ്ട് ഒരു കല്യാണം കഴിപ്പിക്കണം.. അല്ലേ ശ്രീയേട്ടാ..? എന്നിട്ട് വേണം മുത്തിനേയും കളിയാക്കാൻ.”

 

“പൊടി അവിടുന്ന്.. മുത്തിന്റെ കല്യാണം കൂടാൻ വന്നിരിക്കുന്നു ഒരു മുത്തി.. അധികം കിന്നാരിക്കാതെ വേഗം ഫോൺ വെച്ച് ഉറങ്ങാൻ നോക്ക്.. രാവിലെ എഴുനേൽക്കാൻ ഉള്ളതാ..” മുത്ത് പറഞ്ഞു.

 

“കുറച്ചു സമയം കഴിഞ്ഞു ഫോൺ വെച്ചോളാം.. അതു വരെ ഞങ്ങൾ പ്രേമിക്കട്ടെ മുത്തേ.? ” ഫിദ മുത്തിനോട് പറഞ്ഞു.

 

“എന്നാൽ രണ്ടും എന്താണെന്ന് വെച്ചാൽ കാണിക്ക്. ഞാൻ ഉറങ്ങാൻ പോകുകയാ. ഇനി നിനക്ക് എഴുനേറ്റ് മോന്റെ വീട്ടിലേക്ക് പോകാൻ പ്ലാൻ ഉണ്ടെങ്കിൽ പറഞ്ഞിട്ട് പോകണം. വാതിൽ ചാരാനാണ്..” മുത്ത് പറഞ്ഞു.

 

 

“പോ മുത്തേ അങ്ങനെ ഒന്നും ഇല്ല.”

 

 

“ഇല്ലെങ്കിൽ വേണ്ട ഞാൻ പറഞ്ഞെന്നെ ഉള്ളൂ. ”

 

അങ്ങനെ പറഞ്ഞു മുത്ത് അവിടെ ചെരിഞ്ഞു കിടന്നു.

 

ഫിദ കുറച്ചു മാറികിടന്ന് എന്നോട് വീണ്ടും സംസാരിച്ചു.

 

എന്നിട്ട് എന്നോട് ചോദിച്ചു.

 

“പറ അമ്മയോട് പറഞ്ഞോ..? നാളെത്തെ കാര്യം?”

 

“നാളെത്തെ എന്ത് കാര്യം. നമ്മുടെ കല്ല്യാണ കാര്യമോ..?”

 

“അല്ല. നാളെ പോകുന്ന കാര്യം. കുറച്ചു ദിവസം കഴിഞ്ഞേ വരൂ എന്ന കാര്യം.”

 

“ആ പറഞ്ഞു. പക്ഷെ നാളെ തന്നെ തിരിച്ചു വരണം എന്നാ അമ്മ പറഞ്ഞത്..,? ”

 

“നാളെതന്നെയോ? അപ്പോൾ നമ്മുടെ ആദ്യ രാത്രി..?”