ഗന്ധർവശാപം [Sudhivathmikam] 310

സുചിത്ര അത് കേട്ടതും ഒന്ന് പരുങ്ങി…

“ലിസ്റ്റോ. .അതെങ്ങനെ നിൻ്റെ കയ്യിൽ… നിനക്കിതൊക്കെ എങ്ങനെ..”

അവൾ ആ ലിസ്റ്റ് വാങ്ങി വായിച്ചു..

“ചേച്ചി ഞാൻ ഇടക്ക് അയാളെ സഹായിക്കാറുണ്ട് …ഇന്നിപ്പോ തിരുമേനിക്ക് കോഴിക്കോട് ഒഴിവാക്കാൻ പറ്റാത്ത ഒരു പൂജ ഉണ്ട്…ഇന്ന് തന്നെ പോണം..അപ്പൊ ഇതിവിടെ കൊടുത്താൽ മതി എന്നും…എന്താ ചെയ്യണ്ടേ എന്നും അടിയിൽ എഴുതിയിട്ട് ഉണ്ട് എന്നും പറഞ്ഞു”

സുചിത്ര അത് വാങ്ങി…വായിച്ചു…അടിയിൽ നിർദ്ദേശങ്ങൾ എഴുതിയിട്ടുണ്ട്..

“ചേച്ചി ഞാൻ പോകട്ടെ എന്നാ…എന്തെങ്കിലും ആവശ്യം ഉണ്ടേൽ എന്നെ വിളിച്ചാൽ മതി..”

മനസിൽ പേടി ഉള്ളത് കൊണ്ട് സുധീഷിന് അധിക നേരം അവിടെ നിൽക്കാൻ ആയില്ല..അവൻ അവളോട് യാത്രയും പറഞ്ഞ് തിരിഞ്ഞ് നോക്കാതെ നടന്നു…

പടിപ്പുരയും കടന്ന് സൈക്കിള് എടുത്ത് കുട്ടാപ്പിയെയും മുന്നേ വച്ച് വീട്ടിലേക്ക് വിട്ടു..

ഈ സമയം സുചിത്ര അവളുടെ മുറിയിൽ ഇരുന്ന് ലിസ്റ്റ് എടുത്ത് വായിച്ചു..

എന്നാലും തിരുമേനി പറഞ്ഞത് ഇവിടത്തെ വീട്ടുകാരല്ലാതെ വേറെ ഒരാളും അറിയരുത് എന്നാണല്ലോ…സുധീഷിന് അറിയാമോ…അവൾ ഒന്നാലോചിച്ചു..

ആ പേപ്പർ എടുത്ത് ബെഡിലേക്ക് ഇരുന്ന് വായിച്ചു..

“പൂജക്ക് ആവശ്യം ആയ സാധനങ്ങൾ മേലെ എഴുതിയിട്ടുണ്ട്.അതെല്ലാം വാങ്ങിച്ച് വക്കുക..

എനിക്ക് അത്യാവശ്യമായി ഒരു പൂജ ഉള്ളതിനാൽ വരാൻ സാധിക്കില്ല..എന്നാലും പൂജ മുടക്കാൻ പാടില്ല..അത് പ്രശ്നം കൂട്ടുകയെ ഉള്ളൂ.