ഗൗരിയേട്ടത്തി 2 [Hyder Marakkar] 1688

കേട്ടോണ്ടാണ് ഞാൻ അകത്തേക്ക് കയറിയത്……..

“”””ആ നൂറായുസാണല്ലോ….. നിന്നെ പറ്റി പറഞ്ഞ് നാവ് അകത്തേക്കിട്ടതെയുള്ളൂ……..””””
ദേവകിയമ്മ പറഞ്ഞപ്പോൾ ഞാൻ അവരെ നോക്കിയൊന്ന് ഇളിച്ച് കാണിച്ചു…… ഞാൻ ചുറ്റും ഒന്ന് കണ്ണോടിച്ചു, ദേവകിയമ്മയ്ക്ക് പുറമെ എന്റെ സ്വന്തം അമ്മയും അമ്മായിയും പിന്നെ വടക്കേലെ പുഷ്കരേട്ടന്റെ ഭാര്യയുമുണ്ട് മുറിയിൽ, ഏട്ടത്തിയെ കണ്ടില്ല…..

“”””നോക്കിയേ വാവേ ആരാ വന്നെന്ന്……… വാവേടെ ചെറിയച്ഛൻ””””
ദേവകിയമ്മ പറയുന്നത് കെട്ടിട്ടാണോ എന്തോ കൊച്ച് അത്ഭുതത്തോടെ എന്നെ കണ്ണെടുക്കാതെ നോക്കുന്നുണ്ട്…

ഞാൻ കട്ടിലിൽ കയ്യും കാലും അടിച്ച് ഉണ്ട കണ്ണും ഉരുട്ടി കിടന്ന കുറുമ്പനെ കയ്യിൽ കോരിയെടുത്ത് നെറുകയിൽ ഒരു ചുംബനം നൽകി……. അവര് പറഞ്ഞത് പോലെ എന്റെ ചായയൊന്നും എനിക്ക് തോന്നീല്ല….. അല്ലെങ്കിലും ജനിച്ച് ദിവസങ്ങൾ മാത്രമായ കൊച്ചിനെന്ത് ചായ…..

എന്റെ കയ്യിൽ കിടന്ന് അവൻ മോണ കാട്ടി ചിരിക്കാൻ തുടങ്ങി, ചിരിക്കുമ്പോൾ പക്ഷെ എനിക്കുള്ളത് പോലെ നുണക്കുഴി തെളിഞ്ഞ് വരുന്നുണ്ട്……. സുന്ദരനാണ് ചെക്കൻ
ഞാൻ കുറച്ചു നേരം അവനെ കളിപ്പിച്ച ശേഷം ഏട്ടത്തിയേം തിരഞ്ഞ് പുറകിലേക്ക് ചെന്നു… നോക്കുമ്പോൾ കക്ഷി കിങ്ങിണിയുടെ കൂട്ടിനടുത്ത് അതിനേം കൊഞ്ചിച്ച് നിൽപ്പാണ്…

“””ഗൗരി പെണ്ണേ….. കൂയ്”””
ഞാൻ പിന്നിലൂടെ ചെന്ന് ശബ്ദമുണ്ടാക്കിയതും പുള്ളികാരി ഒന്ന് ഞെട്ടി….

“””ഓ…… പേടിപ്പിച്ച് കളഞ്ഞല്ലോ ചെക്കാ….”””
ഏട്ടത്തി നെഞ്ചിൽ കൈ വെച്ചുകൊണ്ട് പറഞ്ഞു

“””എന്തേ…. കാട്ടീന്ന് വല്ല പുലിയും ഇറങ്ങി വന്നതാന്ന് കരുതിയോ??”””

“””പുലി….. അതും നിന്റെ ശബ്ദം കേട്ടിട്ട്……ഞാൻ വല്ല കാട്ടുപന്നിയോ മറ്റോ ഇറങ്ങിയെന്ന് കരുതി”””
പുള്ളിക്കാരി അല്പം പുച്ഛത്തോടെ പറഞ്ഞുകൊണ്ട് വീണ്ടും കിങ്ങിണിയെ തലോടാൻ തുടങ്ങി…