ഗീതികയുടെ ഒഴിവ് സമയങ്ങൾ 20 [Smitha] 376

എന്തിനാണ്, എങ്ങനെയാണ് എന്നൊന്നും തിരക്കില്ല.
പിന്നെ ഞാന്‍ ഞങ്ങളുടെ ഫ്ലാറ്റിനടുത്ത്, ഏകദേശം അരക്കിലോമീറ്റര്‍ ദൂരം മാത്രം സ്ഥിതി ചെയ്തിരുന്ന ഹോട്ടല്‍ നക്ഷത്രയില്‍ മുറിയെടുത്തു.
അതുകൊണ്ട് രണ്ടായിരുന്നു നേട്ടം.
ഒന്ന്: – ആ പരിസരം ഹൈ ഡെഫിനീഷ്യന്‍ ക്യാമറകളുടെയും മൈക്കുകളുടെയും റേഞ്ചിനകത്ത് ആയിരുന്നു.
അതുകൊണ്ട് ഇന്റര്‍നെറ്റ്‌ കണക്ഷന്‍ കൂടാതെ തന്നെ ഏത് സര്‍വേയ് ലാന്‍സ് നിരീക്ഷണങ്ങളും സാധ്യമാകും.
രണ്ട്:- വീടിന് വളരെ അടുത്തായത്കൊണ്ട് ഗീതികയ്ക്ക് ചാക്കൊയില്‍ നിന്നും എന്തെങ്കിലും ഭീഷണിയോ അപകടമോ ഉണ്ടായാല്‍ എനിക്ക് പെട്ടെന്ന് എത്തി അവളെ രക്ഷപ്പെടുത്താന്‍ കഴിയും.
എല്ലാം തീര്‍ച്ചപ്പെടുത്തിക്കഴിഞ്ഞ് ഫ്രാന്‍സിസ് എന്നെ അയാളുടെ എക്യുപ്മെന്‍റ് വാനില്‍ കയറ്റി ഞങ്ങളുടെ ഫ്ലാറ്റിനടുത്തെക്ക് ഡ്രൈവ് ചെയ്തു.
എന്നിട്ട് ഗീതികയും മോനും പാര്‍ട്ടിക്ക് പോകുന്നതിനു കാത്തിരുന്നു.
ഇപ്പോള്‍ അവര്‍ ഞങ്ങളുടെ വാനിനെപിന്നിട്ട് കടന്നുപോയി.

“റൂഫില്‍ നിങ്ങള്‍ പറഞ്ഞ ഭാഗത്ത് സുഖമായി ക്യാമറ ഫിറ്റ്‌ ചെയ്യാം!”

ഫ്രാന്‍സ് ഫ്ലാറ്റിലേക്ക് നോക്കി പറഞ്ഞു.

“ആരേലും നിങ്ങളെ തടഞ്ഞാല്‍?”

ഞാന്‍ ചോദിച്ചു.

“പ്രത്യേകിച്ചും അവിടുത്തെ വാച്ച്മെന്‍?”

“പേടിക്കാതെടാവ്വേ!”

അവന്‍ ചിരിച്ചു.

“ചാനലിന്റെ ഈ എം ടി എം എന്‍ എല്‍ ലോഗോയുള്ള യൂണിഫോം എന്നാ ചുമ്മാ കാണാന്‍ വേണ്ടിയൊള്ളതാണോ?”

“ശരി!”

ഞാന്‍ പറഞ്ഞു.

“എങ്ങനെയാ ഇതൊക്കെ ഇന്‍സ്റ്റാള്‍ ചെയ്യുന്നേ എന്ന് ആലോചിച്ചോ?”

“ക്യാമറ മാത്രേ ഫിറ്റ്‌ ചെയ്യലും ഇന്‍സ്റ്റാലേഷന്‍ ഇന്ന് രാത്രി കമ്പ്ലീറ്റ് ചെയ്യാം. ഒരു ഡൈവേര്‍ഷന്‍ വേണം …”

“എന്ത് ഡൈവേര്‍ഷന്‍?”

“ഹ്മം…”

അയാള്‍ ഒന്നാലോചിച്ചു.

“നിങ്ങടെ ഫ്ലാറ്റിന്‍റെ അടുത്ത് ഒരു ട്രക്ക് ബ്രേക്ക് ഡൌണ്‍ ഉണ്ടാക്കും. എന്നിട്ട് അവിടുത്തെ വാച്ച് മേന്‍മാര്‍ക്ക് പൈസകൊടുത്ത് ഞങ്ങളെ ഹെല്‍പ്പ് ചെയ്യാന്‍ ആവശ്യപ്പെടും. ആ തക്കത്തിനു അകത്ത് കയറും!”

“പക്ഷെ ഒരുത്തന്‍ എപ്പോഴും അകത്ത് ഒറക്കം ആരിക്കും!”