ഗോവൻ വീക്കെൻഡ് [Sree R] 408

കഥയൊക്കെ പറഞ്ഞു എയർ പോർട്ടിലെത്തിയത് 8 മണി കഴിഞ്ഞാണ് .

ഓറഞ്ച് ടോപ്പും ജീൻസും ഇട്ട അന്നയുടെ കൈയിൽ രണ്ടു വലിയ ബാഗുകൾഉണ്ട്..

അതൊക്കെ വലിച്ചെടുക്കാൻ കഷ്ടപ്പെടുന്നത് കണ്ടു അലക്സ് പറഞ്ഞു..

“3 ദിവസത്തേക്ക് ഉള്ള സാധനങ്ങളാണോ ഈ രണ്ടു ബാഗിലും..ഇതുകണ്ടോ?” തന്റെ ഹാൻഡ് ബാഗു കാട്ടി ചോദിച്ചു..

“അയ്യടാ, ഇച്ച, ഇതൊക്കെ എടുക്കു പ്ളീസ്..”

“കാര്യം കാണാൻ നല്ല സ്നേഹം ആണല്ലോ പെണ്ണിനു..”

ഭക്ഷണം കഴിച്ചു ഫ്ളൈറ്റിനായി അവർക്ക് ഒരുപാട് സമയം വെയിറ്റ് ചെയ്യേണ്ടി വന്നില്ല..10:30 യോടെ കയറിയ അവർ പാതിരാത്രിയിൽ ഗോവയിൽ എത്തി..പറഞ്ഞിരുന്നത് പോലെ തന്നെ സ്പോൺസർ ചെയ്തിരുന്ന കാർ വെയ്റ്റിംഗ് ആയിരുന്നു..

അതിരാവിലെ ഉള്ള തണുപ്പത്ത് അവർ സ്റ്റേ ചെയ്യാനുള്ള കോട്ടജിലെത്തി..

കപ്പിൾ കോട്ടേജ് ആണ്.

കടൽത്തീരത്ത് നിരന്നു 20 ഓളം കോട്ടേജുകൾ ഉണ്ട്..

കിടന്നുറങ്ങിപ്പോയ അവർ എഴുനേറ്റപ്പോൾ 9 മണി കഴിഞ്ഞു ..

“അലക്സ്, എഴുന്നേൽക്, നമുക്ക് പുറത്തു പോവണ്ടേ..”

എഴുനേറ്റിരുന്ന അലക്സ് അന്നയെ നോക്കി..

“രാവിലെ ഓടാൻ പോവാന്നോ..?”

അവൾ ഇട്ടിരുന്ന ട്രാക്ക് പാന്റ്സിലേക്ക് നോക്കി അയാൾ ചോദിച്ചു..

“ഇവിടെ ഹണിമൂണിന് വന്നതല്ലേ അന്നക്കൊച്ചേ..ഞാൻ എടുത്തു വെച്ച ആ

ഷോർട്സ് എങ്കിലും…പ്ളീസ്..”

അന്നയെ കളിയാക്കി കൊണ്ട് അലക്സ് തൊഴുതു..

” എന്ന ഇതിനിപ്പോ ..? ”

“ഹണിമൂണ് പറ്റിയ കോലം ..! ”

കോളിംഗ് ബെൽ അടിക്കുന്ന ശബ്ദം ..

അലക്സ് ഡോർ തുറന്നപ്പോൾ റൂം സർവീസ് ..

“സർ , ഐ നീഡ് ഓർഡർസ് ഫോർ ബ്രേക്ഫാസ്റ് ..”