തെറ്റ് സംഭവിക്കുക എന്നത് മനുഷ്യസഹജം. പിശകുകൾ എത്രവലിയ മഹാനിൽ എപ്പോഴും ഉണ്ടാകാം. എന്നാലത് വിശാലമനസ്സോടെ തുറന്നു സമ്മതിച്ച് ആദരവോടെ ഏറ്റുവാങ്ങാൻ തയ്യാറാവുന്നത് വളരെ കുറച്ച് പേരുടെ മനസ്സുകളിൽ മാത്രമേയുള്ളൂ എന്ന് ഞാൻ വിശ്വസിക്കുന്നു അതിൽ ഒരു പക്ഷേ പരമപ്രധാനം “സ്മിത” തന്നെയായിരിക്കും . സ്മിത എന്ന എഴുത്തുകാരിയോടുളള ഏറ്റവും വലിയ ആദരവും ഇഷ്ടവും അതുകൊണ്ടുതന്നെ !.

എന്തും തുറന്നു സമ്മതിച്ചു അംഗീകരിച്ചു… മുന്നോട്ടുപോകുന്ന എളിമയുള്ള ആ മനസ്സ് വടവൃക്ഷം ശിരസ്സു നമിച്ചു താഴ്ന്നു കൊടുക്കുന്നതുപോലെ താഴ്ന്ന് കൂടുതൽ പ്രകാശപൂരിതമായ് മാറുക മാത്രമേയുള്ളൂ എത്രവലിയ മഹാനായ കലാകാരനായാലും അറിവുകൾക്കു മുമ്പിൽ തല കുമ്പിടുമ്പോൾ പ്രൗഢി ഉയരുകയേ ചെയ്യുന്നുളളൂ. സ്മിതയെന്ന എന്ന വളരെ വളരെ ഉയരങ്ങളിൽ നിൽക്കുന്ന കലാകാരിയും അത് എല്ലാത്തിനുമപ്പുറം തനിമ യായ ഒരു വെറും സാധാരണ “മനുഷ്യ “എന്ന സത്യം ബോധ്യപ്പെടുത്തി തരുന്ന ഒരു അവസരവും ആവുന്നു അത്.

എങ്കിലും പക്ഷേ, ഇത്തരം ഏറ്റുപറച്ചിലിലും…. കുറ്റസമ്മതത്തിലും കൂടെ എത്രയോ ഉയരങ്ങളിൽ പ്രതിഷ്ഠിച്ചു വച്ചിരിക്കുന്ന വലിയ ഒരു ബിംബത്തിന് ഇളക്കം സംഭവിക്കുന്നു എന്നു മനസ്സിലാക്കുമ്പോൾ വല്ലാത്തൊരു വേദനയും മനസ്സിലെവിടെയോ കുത്തിനോവിക്കുന്നുണ്ട് !… ഇത്രമാത്രം

സാക്ഷി പറഞ്ഞത് അക്ഷരം പ്രതി സത്യമാണ്. സ്മിതയോട് ഒരു അടുപ്പം തോന്നുന്നതും അതുകൊണ്ടാണ്. അസാമാന്യമായ അറിവും ഗഹനമായ ഭാഷാ പാണ്ഡിത്യവും അതുല്യമായ രചനാവൈഭവവും എല്ലാമുണ്ടയിട്ടും ഇതുപോലെ ഒരു സൈറ്റില്‍ എഴുതുകയും, സഹ എഴുത്തുകാരെ അകമഴിഞ്ഞ് പ്രോത്സാഹിപ്പിക്കുകയും, ഒപ്പം സ്വന്തം വ്യക്തിത്വത്തെ വളരെ തനിമയോടെ അതിന്റെ ശോഭ അതേപടി നിലനിര്‍ത്തി സ്വീകരിച്ചും തള്ളിയും മുന്‍പോട്ടു പോകുന്ന ഒരാള്‍, ഒരുപക്ഷെ സ്മിത മാത്രമേ കാണൂ.

പിന്നെ ആനന്ദ് സ്വന്തം വാചകത്തില്‍ തലകുത്തി മറിഞ്ഞോ എന്നെനിക്കൊരു സംശയം. ഏതു മഹാനും തെറ്റ് സംഭവിക്കാം എന്ന് പറഞ്ഞ താങ്കള്‍ അവസാനം എത്തി നിന്ന വാചകം അതിനു കടക വിരുദ്ധമായിപ്പോയോ? എല്ലാം തികഞ്ഞ ആരുമില്ല ഈ ഭൂമുഖത്ത്..അറിവിന്റെ കാര്യത്തില്‍ നമ്മളൊക്കെ ഹൈ റേറ്റിംഗ് ചാര്‍ത്തി നല്‍കുന്ന ഗ്രാന്റ് മാസ്റ്റര്‍മാര്‍ പോലും ഒരായിരം കാര്യങ്ങളില്‍ വട്ടപ്പൂജ്യരാണ്..എന്നാല്‍ ചില സാധാരണ മനുഷ്യര്‍, അവര്‍ വിരാജിക്കുന്ന തലം ഒരു പണ്ഡിതന് എത്തിപ്പെടാന്‍ സാധിക്കാത്തത്ര ഔന്നത്യത്തിലും ആകാം. അതുകൊണ്ട് ബിംബ നിര്‍മ്മാണം അജ്ഞതയാണ് എന്ന് ദയവായി തിരിച്ചറിയുക. സമനിലത്ത് നില്‍ക്കുന്ന സാധാരണ മനുഷ്യരാണ് എല്ലാവരും. ഏറ്റവുമധികം കഴിവുള്ള വ്യക്തിക്ക് പോലും ഏതെങ്കിലും ഒരു മേഖലയില്‍ മാത്രമേ ഒരു സിംഹാസനം സ്വയം സൃഷ്ടിക്കാന്‍ സാധിക്കൂ..ഉദാഹരണം യേശുദാസ്..എന്നാല്‍ യേശുദാസും ചെറു സിംഹാസനങ്ങളില്‍ ഇരിക്കുന്ന പലരുടെയും പ്രതിഭയ്ക്ക് മുന്‍പില്‍ തല താഴ്ത്തെണ്ട സാഹചര്യം ഉണ്ടാകും..ഗാനാലാപനത്തിന്റെ കാര്യത്തില്‍. പക്ഷെ മറ്റൊരു തലത്തില്‍ നില്‍ക്കുന്ന മമ്മൂട്ടിയുമായി യേശുദാസിന് തുലനത കിട്ടുമോ? എം ടിയുടെ കസേര മമ്മൂട്ടിക്ക് കിട്ടുമോ? ജി എസ് പ്രദീപിന്റെ അറിവ് എം ടിക്ക് ഉണ്ടാകുമോ?

നമ്മള്‍ ഒരു വലിയ സമുദ്രത്തിലെ ചെറു തുള്ളികള്‍ ആണ്..ഓരോ തുള്ളിയും ഇവിടെ ഒരേപോലെ വിലപ്പെട്ടതാണ്‌..