അവനൊരു ഒഴുക്കൻ മട്ടിൽ പറഞ്ഞൊഴിഞ്ഞു.
ഹോസ്പിറ്റലിൽ നിന്നിറങ്ങി വണ്ടിയിൽ കയറി കുറച്ചു ദൂരം അവർ മുന്നോട്ട് സഞ്ചരിച്ചു, ക്ഷീണം കാരണം സ്നേഹ ചെറുതായൊന്ന് മയങ്ങി, ആര്യയുടേയും ജെയ്സൻ്റേയും മനസ്സ് കലങ്ങി മറഞ്ഞൊഴുകുന്ന പുഴപോലെ ചിന്തകളുടെ ഒരു കുത്തൊഴുക്കിൽ അകപ്പെട്ടു.
” ഡോ എവിടെയെങ്കിലും നിർത്താമോ , എനിക്ക് തന്നോട് അൽപം സംസാരിക്കണം ”
ജെയ്സൻ്റെ മുഖത്തെ ഗൗരവം അവളെ കൂടുതൽ ടെൻഷനാക്കി.
“അടുത്ത് ബീച്ചിണ്ട് അങ്ങോട്ട് നിർത്താം”
” ഉം …”
കുറച്ചു കൂടി മാറി ആര്യ ബീച്ച് സൈഡിലെ പാർക്കിംഗിൽ വണ്ടി ഒതുക്കി , സ്നേഹ നല്ല ഉറക്കത്തിലേക്ക് വഴുതി വീണിരുന്നു.
ജെയ്സൻ ആര്യയുടെ കൈയ്യും പിടിച്ച് ബീച്ചിലേക്ക് നടന്നു , പിന്നെ കടൽക്കരയിലൊരിടത്തായി അവനിരുന്നു , അവനരികിലായി അവൻ്റെ തോളിൽ ചാരി ആര്യയും , ഏറെ നേരം പരസ്പരം അവർ ഒന്നും മിണ്ടിയില്ല.
സമയം ഒച്ചിനെപ്പോലെ ഇഴഞ്ഞു നീങ്ങി. കടലിരമ്പുന്ന പോലെ അവൻ്റെ മനസ്സ് ഇളകി മറിയുന്നുണ്ടായിരുന്നു.
ആര്യ മെല്ലെ അവൻ്റെ ഇടത് കൈ ചുറ്റി വരിഞ്ഞ് അവനെ നോക്കി
” എന്താ നിനക്ക് സംസാരിക്കാനുള്ളത് ”
” അത് … അത് നമ്മളെപ്പറ്റി”
ഒരു നിമിഷം അവളുടെ ചങ്ക് പിടയുന്നപോലെ അവൾക്ക് അനുഭവപ്പെട്ടു, ഈ ബന്ധം നടക്കില്ലാന്ന് പറയാനാണോ അവൻ……..
” നി മുഖവുര ഇല്ലാതെ കാര്യം പറയ് എന്താണേലും”
“ഡോ എനിക്കു തന്നെ ഇഷ്ടമാണ് അതൊരു അളവു കോലുകൊണ്ട് അളന്ന് പറയാനൊന്നും എനിക്കറിയില്ല , ഒന്നറിയാം ഈ രണ്ട് ദിവസം കൊണ്ടു തന്നെ താനെനിക്കൊരു ജീവിതം കാണിച്ചു തന്നു ഞാനെവിടെയോ ആഗ്രഹിച്ചിരുന്ന ഒരു കുഞ്ഞ് ജീവിതം , താനില്ലാതെ ജീവിതത്തിൽ ഇനി ഒരാളെ സങ്കൽപ്പിക്കാനും എനിക്ക് സാധിക്കില്ല”
ആര്യയുടെ നെഞ്ചിടിപ്പ് ക്രമാതീതമായി വർദ്ധിച്ചു ഒരു പക്ഷെ തളർന്ന് വീഴുമോ എന്ന് പോലും അവൾക്ക് തോന്നിപ്പോയി സന്തോഷം കാരണം ദേഹം കുളിരണിഞ്ഞു.
“പക്ഷെ തനിക്കെന്നെ അറിയില്ല എൻ്റെ സാഹചര്യങ്ങളറിയില്ല , ഞാനൊരിക്കലും തനിക്ക് ചേർന്നൊരാളല്ല , തൻ്റെ പ്രൊഫക്ഷൻ ആയിക്കോട്ടെ സ്റ്റാറ്റസ് ആയിക്കോട്ടെ കുടുംബം ആയിക്കോട്ടെ അതിൻ്റെയൊന്നും അടുത്ത് നിൽക്കാൻ പോലും എനിക്ക് കഴിയില്ല. അതെൻ്റെ മനസ്സിനെ വേട്ടയാടിക്കൊണ്ടിരിക്കുവാണ്”
” ഇതാണോ നിൻ്റെ ആനക്കാര്യം , മനുഷ്യനെ വെറുതെ തീ തീറ്റിക്കാൻ , ഞാൻ ആഗ്രഹിച്ച ഒരു ജീവിതം എന്നെ സ്നേഹിക്കുന്ന എന്നെ മനസ്സിലാക്കുന്ന ഒരാൾ, അല്ലാണ്ട് പണം കൊണ്ട് എനിക്ക് തുലാഭാരം തീർക്കാനൊ സമൂഹത്തിനെ ബോധ്യപ്പെടുത്തുന്നതിനൊ എനിക്കൊരാളെ വേണ്ട. സമാധാനത്തോടെയുള്ള കുഞ്ഞു കുടുംബ ജീവിതം അതിനപ്പുറം ഞാനൊന്നും ആഗ്രഹിച്ചിട്ടില്ല അന്നും ഇന്നും ,എൻ്റെ സ്റ്റാറ്റസിനും കുടുംബത്തിനും ചേർന്ന രീതിയിൽ ഒരാളെൻ്റെ ജീവിതത്തിൽ വന്നത് നിനക്കറിയാവുന്നതല്ലെ പിന്നെയും നീ ഇങ്ങിനൊക്കെ ചിന്തിക്കുന്നത് കഷ്ടമാണ് കേട്ടോ. ഞാനാരെയും ആ രീതിയിൽ ഇന്നു വരെ ട്രീറ്റ് ചെയ്തിട്ടില്ല , അത്രയ്ക്ക് ആലോചിച്ചെടുത്ത തീരുമാനമാണ് അതുകൊണ്ടാണല്ലൊ ഞാൻ എൻ്റെ വീട്ടുകാരോട് പോലും പറഞ്ഞത്. ഒരു നാണവും മാനവുമില്ലാതെ ഇന്നലെ
The Author
