അവനവളെ ആശ്വസിപ്പിക്കാൻ ശ്രമിച്ചു , അവൾ മെല്ലെ ആര്യയുടെ തോളിലേക്ക് ചാരി. ആര്യയുടെ ചെവികളിൽ ജെയ്സൻ കേൾക്കാതെ സ്വകാര്യമായി.,
“രാവിലെ ഞാനെല്ലാം കണ്ടു , എന്തായിരുന്നു നിങ്ങൾ രണ്ടുപേരും അത്രയും സന്തോഷത്തോടെ ചേച്ചിയെ ഞാനിതുവരെ കണ്ടിട്ടില്ല, ചേച്ചി എന്നും ഇങ്ങിനെ തന്നെ സന്തോഷമായിരിക്കണം”
ആര്യ ഒരു ഞെട്ടലോടെ സ്നേഹയെ നോക്കി അവളുടെ ഹൃദയമിടിപ്പ് വളരെ വേഗത്തിലായി
” എല്ലാമെന്ന് പറഞ്ഞാൽ ”
” അത്യാവശ്യം കാണേണ്ടതെല്ലാം ഹ.ഹ.ഹ ”
സ്നേഹ ഗൂഢമായി ആര്യയെ നോക്കി ചിരിച്ചു, ആര്യ നാണംകാരണം സ്നേഹയെ ഫെയിസ് ചെയ്യാതെ തൻ്റെ മുന്നിലെ മെനുവിലേക്ക് നോക്കിയിരുന്ന് പുഞ്ചിരിച്ചു.
” എന്താണ് ചേച്ചിയും അനിയത്തിയും കൂടി ഒരു സ്വകാര്യം ”
“ഹേയ് ഒന്നുമില്ല ഞങ്ങള് വെറുതേ ”
അപ്പോഴേക്കും ഭക്ഷണം വന്നു , അവർ ഭക്ഷണം കഴിക്കുന്നതിനിടയിൽ സ്നേഹ
” അല്ലാ നമ്മളിതെങ്ങോട്ട പോകുന്നെ , ”
“ദുബായിക്ക് ഇവൻ്റെ ഒരു ഫ്രണ്ടിനെക്കാണാൻ , പിന്നെ ഇവൻ്റെ വിസ ക്യാൻസൽ ചെയ്യാനുള്ള പരുപാടി നോക്കണം , മൂർത്തി അങ്കിളിനോട് സംസാരിച്ച് ഇവനെ നമ്മുടെ ഹോസ്പിറ്റലിലലൊരു ജോലി ശെരിയാക്കണം. ”
” ഓഹോ അപ്പൊ എല്ലാം തീരുമാനിച്ചൊ രണ്ടും ”
ആര്യ അതിനൊരു ഉത്തരം കിട്ടാനെന്നോണം ജെയ്സനെ നോക്കി , പക്ഷെ അവൻ്റെ മുഖത്ത് ഒരു ആശങ്ക നിഴലിച്ചു.
അവൾ അവൻ്റെ ടേബിളിനു മുകളിലായിരുന്ന അവൻ്റെ കൈയ്യിൽ പിടിച്ചുകൊണ്ട്.
” എന്തേ നി ഓക്കെ അല്ലെ ”
“അതല്ല , നമുക്കൊന്ന് സംസാരിച്ചിട്ട് തീരുമാനിക്കാം അതൊക്കെ , എടുത്ത് ചാടാൻ നിക്കണ്ടെടോ ”
ആര്യയുടെ മുഖം ചെറുതായൊന്ന് വാടി , തെളിഞ്ഞ മാനത്ത് കാർമേഘം വീണ്ടും ഉരുണ്ടു കയറിയപോലെ, അവർ ഭക്ഷണം കഴിച്ച് വീണ്ടും യാത്ര തിരിച്ചു.
ഇത്തവണ ആരും ഒന്നും മിണ്ടുന്നുണ്ടായിരുന്നില്ല തികച്ചും നിശബ്ദത , ചിന്തകളുടെ ഭാരവും പേറി അവർ ദുബായിക്ക്.
കുറച്ചു ദൂരം മുന്നോട്ട് ചെന്നപ്പോൾ ആര്യ എന്തോ കണ്ടപോലെ പുഞ്ചിരിച്ചു.
പിന്നെ ഇൻഡിക്കേറ്ററിട്ട് വണ്ടി ഒരു ബേബിഷോപ്പിലേക്ക് കയറ്റി.
” ഡാ പെൺകുട്ടി ആണെന്നല്ലെ പറഞ്ഞത് , എന്തേലും വാങ്ങണ്ടെ”
വാങ്ങണം എന്നപോലെ അവൻ തലയാട്ടി, സ്നേഹ അപ്പോളേക്കും ചെറുതായൊന്ന് മയങ്ങിയിരുന്നു.
“ടീ എഴുന്നേൽക്ക് , ”
സ്നേഹ മെല്ലെ ഞെട്ടി ഉണർന്നു , പിന്നെ പരിസരം ആകെ ഒന്ന് വീക്ഷിച്ചു
“എന്താ ഇവിടെ ”
“ജെയ്സൻ്റെ ഫ്രണ്ടിൻ്റെ കൊച്ചിന് എന്തേലും വാങ്ങാൻ , ഇന്നലെ ഡെലിവറി കഴിഞ്ഞതേ ഉള്ളൂ, ”
സ്നേഹ വണ്ടിയിൽ നിന്നിറങ്ങി നേരെ ഷോപ്പിലേക്ക് അവരോടൊപ്പം കയറി.ആര്യ ആവേശത്തോടെ കുഞ്ഞിന് വേണ്ടിയുള്ള സാധനങ്ങൾ തിരയുന്നത് കണ്ട് ജെയ്സൻ അത്ഭുതപ്പെട്ടു.
അത് കണ്ടെന്നോണം സ്നേഹ അവൻ്റെ തോളിലൂടെ എത്തി കൈയ്യിട്ട് അവളോട് ചേർത്ത് നിർത്തി ആര്യയെ വിരൽ ചൂണ്ടി
The Author
