ആര്യമെല്ലെ അശ്വതിയുടെ ട്രിപ്പിട്ടിരുന്ന കൈകൾ കൈയ്യിലെടുത്തു ,ട്രിപ്പ് തീർന്ന് ചെറുതായി അതിൽ നിന്നും ചോര പൊടിഞ്ഞിരുന്നു.
അത് കണ്ടിട്ടെന്നോണം സ്നേഹ എഴുന്നേറ്റ് കാനുലയിൽ നിന്നും സിറിഞ്ച് വേർപെടുത്തി സ്റ്റാൻ്റിൽ ഹാങ്ങ് ചെയ്തുകൊണ്ട്.
” അതില് ആവശ്യമില്ലാത്ത ഒന്നും ഉണ്ടാവില്ല എല്ലാം നോക്കി എടുത്തത് ആര്യേച്ചി ആണ്”
ജെയ്സൻ ആര്യയെ പാളിയൊന്ന് നോക്കി പിന്നെ അവൻ കുഞ്ഞിനെ നോക്കിയിരുന്നു. അ മൃദുലമായ കൈകളിൽ അവനൊന്ന് തൊട്ടു, അവൻ്റെ ചുണ്ടിൽ പുഞ്ചിരി വിടർന്നു.
അവനാ കുഞ്ഞിനെ ഉറ്റു നോക്കിക്കൊണ്ടിരുന്നു.
” അല്ല ജെയ്സൻ ചേട്ട നിങ്ങളിത് വരെ ഇവരെപ്പറ്റി പറഞ്ഞിട്ടില്ലല്ലൊ ? ”
ജെയ്സൻ ഒരു ചമ്മലോടെ ആര്യയെ നോക്കി , പറയ് എന്ന ഭാവത്തിൽ ആര്യ ഒരു കുസൃതിച്ചിരിയോടെ അവനെ കണ്ണുകാണിച്ചു.
” ഉം എന്താണ് നിങ്ങള് കണ്ണുരുട്ടിക്കളിക്കുന്നെ ”
“അത് ഞാൻ പറയാം, ഹ. ഹ. ഹ ”
സ്നേഹ ഇടയ്ക്ക് കയറി , ജെയ്സനും ആര്യയും ഒരു ഞെട്ടലോടെ സ്നേഹയെ നോക്കി. ഇവളിത് ചളമാക്കുമെന്ന രീതിയിൽ ആര്യ ജെയ്സനെ നോക്കി.
” രഞ്ചിത്തെ എന്തേലും വാങ്ങാനുണ്ടൊ നമുക്ക് പുറത്ത് പോയാലൊ ”
ജെയ്സൻ നിന്ന് പരുങ്ങുന്നത് കണ്ട് സ്നേഹ ഗൂഢമായി ചിരിച്ചു.
“ഒന്നും വാങ്ങാനില്ലട , നിങ്ങൾക്ക് ചായ വാങ്ങണം അതേ ഉള്ളൂ. നി ഇവിടിരി ഞാൻ പോയിട്ട് വരാം ”
” അത് ശെരിയാവില്ല നി വാ പോയിട്ട് വരാം ”
ജെയ്സൻ അവിടിരുന്ന ഒരു ഫ്ലാസ്ക്മെടുത്ത് പുറത്തേക്കിറങ്ങി ,
” ടാ അത് കഴുകണം ”
” അതവിടുന്ന് കഴുകാം നീ ഒന്ന് വന്നെ ”
അവൻ സുഹൃത്തിനേയും കൂട്ടി പുറത്ത് പോകാൻ ദൃതി കൂട്ടി. ആര്യ അത് കണ്ട് കൈപൊത്തി ചിരിച്ചു.
ജെയ്സനും സുഹൃത്തും പോയി കഴിഞ്ഞ് അശ്വതി മെല്ലെ സംശയത്തോടെ ആര്യയെ നോക്കി.
“എന്തോ ചുറ്റിക്കളിയുണ്ടല്ലൊ ചേച്ചി”
“ഹേയ് ഒരു ചുറ്റിക്കളിയുമില്ല , എല്ലാം നേരിട്ടുള്ള കളി മാത്രെ ഉള്ളു അല്ലെ ആര്യേച്ചി ”
ആര്യ സ്നേഹയെ രൂക്ഷമായി നോക്കി.
“ഇയാള് ജെയ്സൻ്റെ ആരാന്നാ പറഞ്ഞെ ?”
“അനിയത്തിയെപ്പോലാണ് ”
“എന്നാൽ തൻ്റെ ഏട്ടത്തി ആകാൻ പോകുന്ന ആളാ ഈ ഇരിക്കുന്ന ആള് ”
അശ്വതി വിശ്വാസം വരാതെ ആര്യയെ നോക്കി.
ആര്യ മെല്ലെ നാണത്തോടെ മുഖത്ത് പാറിക്കളിച്ച മുടി ഒതുക്കി ചുമ്മ തൊട്ടിലിൽ ഉറങ്ങുകയായിരുന്ന കുഞ്ഞിനെ നോക്കിയിരുന്നു.
” സത്യമാണോ ചേച്ചി , ചേട്ടൻ പക്ഷെ ഇതിനെപ്പറ്റിയൊന്നും ഇതുവരെ പറഞ്ഞിട്ടില്ലല്ലൊ , എല്ലാം എന്നോട് പറയുന്നതാ ”
“എങ്ങിനെ പറയാന ഇയാള് ഹോസ്പിറ്റലിൽ ആയിരുന്നില്ലെ ഹ. ഹ. ഹ. ”
സ്നേഹ പൊട്ടിച്ചിരിച്ചു, ഒന്നും മനസ്സിലാകാതെ അശ്വതി രണ്ടുപേരെയും മാറി മാറി നോക്കി. പിന്നെ ആര്യയെ നോക്കി
” സത്യമാണോ ചേച്ചി ”
ആര്യ അതേന്ന് തലയാട്ടി, സന്തോഷം കാരണം അശ്വതിയുടെ കണ്ണുകൾ നിറഞ്ഞൊഴുകി, അവൾ മെല്ലെ ആര്യയുടെ ഇടതു കൈയ്യിൽ പിടിച്ചുകൊണ്ട്
The Author
