? ഹോസ്പിറ്റൽ ഗിഫ്റ്റ് ? [Arrow] 2685

“‘ എട്ടു മാസം എടുത്തല്ലേ നിനക്ക് ഇത് പറയാൻ, Idiot “‘  എന്നും പറഞ്ഞ് കൈ ചുരുട്ടി എന്റെ നെഞ്ചിൽ ഇടിച്ചു. ഞാൻ അവളെ ചേർത്ത് പിടിച്ചു.

“‘ മക്കളെ ഇത് ക്ലാസ്സ്‌ റൂം ആണ് കേട്ടോ “‘ ശരത്ത് അത് പറഞ്ഞപ്പോ ഴാണ് ഞങ്ങൾക്ക് സ്വബോധം വന്നത്. ഞങ്ങൾ പെട്ടന്ന് അടർന്നു മാറി. ക്ലാസ്സിലെ എല്ലാരും അമ്പരപ്പും ചിരിയും കലർന്ന ഭാവത്തിൽ ഞങ്ങളെ നോക്കി നിൽക്കുവാണ്. ഏതായാലും ആ ദിവസത്തോടെ ഞങ്ങൾ ക്ലാസ്സിലെ ഒഫീഷ്യൽ കപ്പിൾസ് ആയി. പിന്നീട് ഞങ്ങളുടെ നാളുകൾ ആയിരുന്നു, ഞങ്ങൾ നല്ല വൃത്തി ആയി പ്രണയിച്ചു. ഇന്റർവെൽ ടൈമിൽ കുറുകിയും, രാത്രി അമ്മയുടെ ഫോൺ അടച്ചു മാറ്റി മെസ്സേജ് അയച്ചും പതിഞ്ഞ സൗണ്ടിൽ കോൾ ചെയ്തും, അവധി ദിവസങ്ങളിൽ ആരും കാണാതെ മൂക്കൻ കുന്നിൽ പോയി കഥകളും മറ്റും പറഞ്ഞും അങ്ങനെ അങ്ങനെ ”

” മൂക്കൻ കുന്നോ?? ” അഞ്ചു വീണ്ടും ഇടക്കിട്ട് കയറി.

” മൂക്കൻ കുന്ന്  ഒരു കൊച്ചു മലയാ. നല്ല ഉയരം ഉള്ള ഒരു മൊട്ട കുന്ന്. അതിന്റ തുഞ്ചത്ത് കയറിയാൽ നാട് മൊത്തത്തിൽ കാണാം, ഇളം കാറ്റും കുന്നിന്റെ സൈഡിൽ ലൂടെ ഒഴുകുന്ന പുഴയുടെ സൗന്ദര്യവും ഒക്കെ ആസ്വദിച്ച് അവിടെ അങ്ങനെ ഇരിക്കാൻ ഒരു രസം ആണ്. ”

” എന്നെ ഇവിടെ കൊണ്ടു പോകുവോ ” ഒരു കൊച്ച് കുഞ്ഞിന്റെ ഭാവത്തിൽ അവൾ ചോദിച്ചു.

” പിന്നെന്താ കൊണ്ടു പോവാം ” എന്നും പറഞ്ഞ് ഞാൻ അവളുടെ കവിളിൽ ഒന്ന് തലോടി. അവളുടെ മുഖം നൂറു വോൾട്ട് ബൾബ് പോലെ തെളിഞ്ഞു. പെട്ടന്ന് എന്തോ ആലോചിച്ചിട്ട് ആ മുഖം വാടി.

” പിന്നെ എന്ത് ഉണ്ടായി ”

” പിന്നെ… ഞങ്ങൾ +2 ലേക്ക് ആയി, ഓണകാലം ഞാനും ശരത്തും ആയിരുന്നു കോഓർഡിനേറ്റർസ്. രാവിലെ പൂ ഒക്കെ വാങ്ങി വന്നപ്പോ ആണ്  ഞാൻ അവളെ കണ്ടത്, സെറ്റ് സാരി ഉടുത്തു മുടി വട വെച്ച് കെട്ടി അതിൽ ചുറ്റി മുല്ലപ്പൂ വെച്ച് വലിയ ജിമിക്കി ഒക്കെ ഇട്ട് ഒരു കുറി ഒക്കെ ആയി നടന്നു വരുവാണ് എന്റെ പെണ്ണ്. ആദ്യമായി സാരി ഉടുക്കുന്നതിന്റെ ചമ്മലും പേടിയും നാണവും ഒക്കെ ആ മുഖത്ത് മിന്നി മറയുന്നുണ്ട്. മൊത്തത്തിൽ പറഞ്ഞാ അന്ന് താലം എടുക്കാൻ വന്നതിനു ശേഷം പെണ്ണിനെ ഇത്ര സുന്ദരിയായി ഇപ്പോഴാ കാണുന്നത്. ഞാൻ ഓരോന്ന് പറഞ്ഞ് പെണ്ണിന്റെ പുറകെ തന്നെ കൂടി. ക്ലാസിലെ എല്ലാം ഞങ്ങളെ നല്ല രീതിയിൽ വാരുന്നുണ്ട് അത് കൊണ്ട് തന്നേ എന്നെ അവൾ മൈൻഡ് ചെയ്യുന്നേ ഇല്ല, എങ്കിലും ഞാൻ അവളുടെ കൂടി തന്ന അങ്ങനെ നടന്നു. അന്ന് അവരുടെ തിരുവാതിര ഉണ്ടായിരുന്നു, എല്ലാരും ഓഡിറ്റോറിയത്തിൽ ആയിരുന്നു, പരുപാടി കഴിഞ്ഞ് ഡ്രസ്സ്‌ മാറാൻ പോയ അവളെ പിടിച്ചു നിർത്തി സംസാരിക്കുന്ന ഇടയിൽ ആണ് മഴ പെയ്തത്, ഞങ്ങൾ ഓടി ഒരു ക്ലാസ്സ്‌ റൂമിൽ കയറി. മഴ മൊത്തത്തിൽ നനഞ്ഞങ്ങനെ നിൽക്കുകയാണ് അവൾ വെള്ളം വീണ് നെറ്റിയിലെ ചന്ദനം ഒക്കെ കലങ്ങി ഒഴുകിട്ടുണ്ട്, ചുണ്ടിൽ ഒരു തുള്ളി വെള്ളം കെട്ടി നിൽക്കുന്നു ഞാൻ മുന്നോട്ട് ആഞ്ഞു അവൾ ഒന്ന് ഞെട്ടി, എന്നെ തടഞ്ഞു, എന്നാൽ ആ എതിർപ്പിന് ബലം പോരായിരുന്നു. ഞാൻ ആ ചെഞ്ചുണ്ടു കവർന്നു, ആദ്യ ചുംബനം ”

” മതി, മതി 18+ ആണേൽ അവിടം കൊണ്ട് നിർത്തിക്കോ ” അഞ്ചു ആണ്. അവളുടെ മുഖം നാണം കൊണ്ട് ചുവന്നിട്ടുണ്ട്. അവളുടെ നോട്ടവും ഭാവവും കണ്ട് എനിക്ക് ചിരി വന്നു.