ഹൃദയം തിരഞ്ഞ സ്വപ്നങ്ങൾ 1 [സ്പൾബർ] 762

 കുറേ നേരം ഒന്നും ചെയ്യാനില്ലാതെ പേടിയോടെ അവളിരുന്നു… അവനോട് പറഞ്ഞെങ്കിലും മരിക്കാനൊന്നും അവൾക്കാവില്ലായിരുന്നു..അവൻ പറഞ്ഞത് ചെയ്യാനും ആവില്ലായിരുന്നു… അവനെന്തായാലും വിളിക്കുമെന്നും,തന്റെ ജനലിനടുത്തേക്ക് വരുമെന്നും അവൾക്കുറപ്പായിരുന്നു..

അതപകടമാണ്‌.. ഇന്നലെ ഭാഗ്യത്തിന് ആരുടെ കണ്ണിലും പെട്ടില്ല… ഒരാണ് ഇന്നും വന്ന് തന്റെ ജനലിന് തട്ടിയാൽ ശരിയാവില്ല.. കുറച്ച് നേരം ചിന്തിച്ചിരുന്ന ശോഭ അവനെ തിരിച്ച് വിളിക്കാൻ തീരുമാനിച്ചു.. കാല് പിടിച്ച് പറഞ്ഞും അവന്റെ വരവ് മുടക്കണം..

ശോഭ, അവന്റെ നമ്പർ ഡയൽ ചെയ്തു..പേടി കൊണ്ട് അവൾ ഉടലോടെ വിറക്കുന്നുണ്ടായിരുന്നു.. ബെല്ലടിച്ച് തീർന്നിട്ടും അപ്പുറത്ത് ഫോണെടുത്തില്ല.. അവൾ വീണ്ടും വിളിച്ച് നോക്കി.. ഫോണെടുത്തില്ല.. അവൾക്കെന്തോ, പരിഭ്രമമാണ് തോന്നിയത്.. അവൻ ഫോണെടുക്കാത്തതിൽ തന്നെ അവൾക്ക് ചതി മണക്കുന്നുണ്ടായിരുന്നു…

അവൻ തിരിച്ച് വിളിക്കുന്നതും,ജനലിൽ മുട്ടുന്നതും പ്രതീക്ഷിച്ച് ഒരു മണി വരെ അവൾ കാത്തിരുന്നു..ഇന്നലെയും ഉറങ്ങാത്തത് കൊണ്ട് അവൾക്ക് നന്നായി ഉറക്കം വരുന്നുണ്ടായിരുന്നു.. ഇന്നിനി പേടിച്ച പോലൊന്നും സംഭവിക്കില്ല എന്ന ആശ്വാസത്തിൽ കിടക്കാനൊരുങ്ങിയതും ശോഭയെ ഞെട്ടിച്ച് കൊണ്ട് മൊബൈൽ ബെല്ലടിച്ചു..തന്റെ ജീവിതം പോലും തകർക്കാൻ പോന്ന മരണമണിയായിട്ടാണ് ശോഭക്കനുഭവപ്പെട്ടത്..

“”പ്ലീസ്… ഇന്നിനി ഇങ്ങോട്ട് ദയവ് ചെയ്ത് നിങ്ങൾ വരരുത്…””..

ഫോണെടുത്തത്തേ ശോഭ പറഞ്ഞു..