ഹൃദയം തിരഞ്ഞ സ്വപ്നങ്ങൾ 1 [സ്പൾബർ] 762

ഇനിയൊന്നും കേൾക്കാൻ ശോഭക്കാവില്ലായിരുന്നു… അവളൊന്നും മിണ്ടാതെ വാതിലിന് നേരെ നടന്നു… ചാരിയിട്ട വാതിൽ തുറന്ന് അവൾ തിരിഞ്ഞ് സേതുവിനെയൊന്ന് നോക്കി..

“” പോടാ പേപ്പട്ടീ…. “”..

അത്രയും പറഞ്ഞ് അവൾ വാതിൽ കടന്ന് പുറത്തിറങ്ങി.. പുറത്ത് നിന്ന് വാതിൽ ചാരി അവൾ നീളൻ വരാന്തയിലൂടെ നടന്നു…രാവിലെ തോന്നിയ ആശ്വാസം ഇപ്പോ തനിക്കില്ലെന്ന് ശോഭയറിഞ്ഞു..അവൻ ഹോസ്പിറ്റലിൽ നിന്ന് പുറത്തിറങ്ങുന്നത് വരേയേ തനിക്ക് സമാധാനത്തോടെ ജീവിക്കാനാവൂ എന്നവൾക്ക് മനസിലായി.. അവന്റെ നേതാവിനോട് അവനൊന്നും പറഞ്ഞിട്ടില്ല എന്നത് ഒരാശ്വാസമായി അവൾക്ക് തോന്നി..എന്തായാലും ഒരു മാസമെങ്കിലും എടുക്കും അവൻ എണീറ്റ് നടക്കാൻ… തുടയെല്ലിനാണ് വെട്ട് കിട്ടിയത്… അത് വരെ എന്തായാലും പ്രശ്നമൊന്നുമുണ്ടാവില്ലെന്ന് വിശ്വസിക്കാം… അത് കഴിഞ്ഞ് എന്ത് ചെയ്യണമെന്ന് ചിന്തിക്കാം… വേണേൽ കുറച്ച് പൈസ കൊടുത്ത് നോക്കാം..

പൈസക്ക് വേണ്ടി വെട്ടാനും കുത്താനും നടക്കുന്നവനല്ലേ… എന്നാലും ഒരു തെറ്റും ചെയ്യാതെയാണ് താനീ ടെൻഷനനുഭവിക്കുന്നത് എന്നത് ശോഭക്ക് വിഷമമുണ്ടാക്കുന്നതായിരുന്നു…

തിരിച്ച് ഓഫീസിലെത്തി വലിയ സംഘർഷമില്ലാതെ അവൾ ജോലി ചെയ്തു.. തിരിച്ച് വീട്ടിലെത്തിയപ്പോഴേക്കും അവൾ പഴയ പടിയായിരുന്നു… മൂന്നാളും തമാശയൊക്കെ പറഞ്ഞ് ചായ കുടിച്ചു.. വേഷം മാറി വന്ന ശോഭ പിന്നിലെ പച്ചക്കറിത്തോട്ടത്തിലേക്ക് പോയി ചെടികൾക്കൊക്കെ വെള്ളമൊഴിച്ചു.. കുറച്ച് കഴിഞ്ഞ് അഛനുമമ്മയും വന്നു..എല്ലാരും കൂടി വിളഞ്ഞ പച്ചക്കറികളൊക്കെ പറിച്ചെടുത്ത് കുറേ നേരം അവിടെ ചെലവഴിച്ചു.. ഇരുട്ടിയപ്പോഴാണ് അവർ തിരിച്ച് വീട്ടിലേക്ക് കയറിയത്… ഇന്ന് നേരത്തേ കിടക്കണമെന്ന് ശോഭക്ക് തോന്നി.. കഴിഞ്ഞ രണ്ട് ദിവസവും ശരിക്കുറങ്ങിയിട്ടില്ല..ആ പേപ്പട്ടി കടിക്കാൻ വരുന്നതോർത്ത് ഉറക്കം വന്നില്ല.. ഭക്ഷണം കഴിച്ച് ബാത്ത്റൂമിൽ കയറി മേല് കഴുകിയ ശോഭ വേഗം തന്നെ ഉറങ്ങാൻ കിടന്നു.. ഇന്ന് നന്നായിട്ടൊന്നുറങ്ങണം എന്ന് ചിന്തിച്ച് പ്രാർത്ഥനയോടെ അവൾ ബെഡിലേക്ക് വീണു…