ഹൃദയം തിരഞ്ഞ സ്വപ്നങ്ങൾ 6 [സ്പൾബർ] [Climax] 473

 

“” എന്ത് പറ്റി മോളേ… എങ്ങോട്ടാ നീ പോവുന്നേ…?”.

 

 

ഒന്നും മനസിലാവാതെ അമ്മ ചോദിച്ചു..

 

 

“ അതമ്മേ… എന്റെ കൂടെ ജോലി ചെയ്യുന്ന ശ്യാമളയില്ലേ… അവൾ ഹോസ്പിറ്റിലാന്ന്… എന്തോ സുഖമില്ലാഞ്ഞിട്ട് ഡോക്ടറെ കാണാൻ പോയതാ… ഇപ്പോ അഡ്മിറ്റാക്കീന്ന്… അവളുടെ കൂടെ മോള് മാത്രേ ഉളളൂ..ഭർത്താവിന് ദൂരത്തല്ലേ ജോലി..അയാൾ വരാൻ കുറച്ച് താമസിക്കും… അത് വരെ അവിടെച്ചെന്നൊന്ന് നിൽക്കാൻ പറ്റോന്ന് അവള് ചോദിച്ചു… എങ്ങിനെയാ അമ്മേ പറ്റില്ലെന്ന് പറയാ…””..

 

 

വിശ്വസിക്കാവുന്ന ഒരു കള്ളം തന്നെ ശോഭ പറഞ്ഞു.. അവരത് വിശ്വസിക്കുകയും ചെയ്തു..

 

 

“” രാത്രി അവിടെ നിൽക്കേണ്ടിവരുമോ മോളേ…? “..

 

 

“” വേണ്ടമ്മേ… അവളുടെ ഭർത്താവ് കുറച്ച് കഴിഞ്ഞാ എത്തും… ചെറിയ മോളല്ലേ അവൾക്ക്… കുറച്ച് നേരം നിന്നിട്ട് ഞാനിങ്ങ് പോരും… “…

 

 

“” എന്നാ ഞാനും കൂടി വരാം മോളേ… ഈ സമയത്ത് നീ ഒറ്റക്ക് പോണ്ട… “..

 

 

“വേണ്ടച്ചാ… ഇവിടെ അടുത്തല്ലേ… ഞാൻ പോയിട്ട് പെട്ടെന്നിങ്ങ് വരാം… പുറത്ത് നല്ല തണുപ്പാ…തണുപ്പടിച്ചാ അഛന്റെ ശ്വാസം മുട്ട് വീണ്ടും വരും…

ഞാൻ പോയിട്ട് വരാം… “..

 

 

പിന്നെ ചോദ്യത്തിനൊന്നും അവസരം കൊടുക്കാതെ ശോഭ ഹെൽമെറ്റുമെടുത്ത് വാതിൽ തുറന്ന് പുറത്തിറങ്ങി..

 

 

“” പാവം കൊച്ച്… ഇനി എപ്പഴാണോ മടങ്ങിവരിക… ?”..

 

 

ഗേറ്റ് കടന്ന് പോകുന്ന ശോഭയുടെ വണ്ടി നോക്കി അമ്മ സങ്കടത്തോടെ പറഞ്ഞു…